VOV4.Sêdang - Pôa Trương Hoà Bình, Ngế pro xiâm phŏ hnê ngăn tơnêi têa rơtế ƀă mâu kăn ki lăm pêi cheăng dêi Chin phuh nếo troh lăm séa ngăn tơdroăng cheăng hbrâ mơdât pơreăng COVID-19 tung kong pơlê Đồng Tháp. Tơpui a hâi pêi cheăng, pôa Trương Hòa Bình tối pơchân Đồng Tháp ai troăng tơkăng kong ƀă kong têa Kul, ki pá ‘na tơdroăng mơngế mot tung kong pơlê hmâng vâ cho xiâm ki tơ’lêi pro tâ pơreăng tung kong pơlê. Ngế pro xiâm phŏ hnê ngăn tơnêi têa thế kong pơlê Đồng Tháp tơkŭm pêi pro mâu tơdroăng hnê mơhno dêi khu kăn Đảng, Ngế pro xiâm hnê ngăn Chin phuh, troăng hơlâ 5k + vaccine, hnê kuăn pơlê đi đo thế hbrâ rơnáu, pơxâu phak kơtăng mơngế ki pro xôi ‘na tơdroăng hbrâ mơdât pơreăng, malối mot lo a tíu tơkăng kong hmâng lơ vâ. 

Pôa Trương Hòa Bình, Ngế pro xiâm phŏ hnê ngăn tơnêi têa tơbleăng hnê mơhno a hâi pêi cheăng

Pôi tá tơngôu, đi đo hbrâ rơnáu tung hbrâ mơdât pơreăng, tơbleăng tro mâu troăng hơlâ hbrâ mơdât pơreăng, malối tung mâu hâi pơtê leh lơ 30/4 ƀă lơ 1/5 xuân hbrâ vâ tâ phĭu rah xo kăn la ngiâ.

Gương tơplôu ƀă tơbleăng