VOV4.Sêdang - Kơxo lơ 31/3 a Hà Nội, po Hneăng hôp Khu ngăn vâi kơdrâi  mơdró kâ Việt Nam (VAWE) roh má 2. Pôa Trương Hòa Bình, Ngế pro xiâm phŏ hnê ngăn tơnêi têa veăng hôp hlối tơbleăng hnê mơhno hneăng hôp. Tiô kơxô̆ ki riân ngăn nôkố, a Việt Nam  ai dâng lối 30% khu vâi kơdrâi veăng pêi hnoăng cheăng pơkuâ mâu khu mơdró, ƀă mê cho môi kơxô̆ ki ôh tá xê iâ. Hneăng hdrối nah, tơdroăng cheăng pêi pro tê mơdró, mâu kơdrâi ki mơdró rơkê hiăng hbrâ tơleăng mơnhên mâu tơdroăngki xahpá a tung  tíu pêi cheăng tơná pơkuâ, ôh tá ối xo tơkôm veăng kum ing pa gong...

Tối tơbleăng a Hneăng hôp, pôa Trương Hòa Bình khĕn kơdeăn khât hneăng hôp roh má 2 ai pơxúa kal khâ dêi vâi kơdrâi ki mơdró rơkê Việt Nam thế, Khu ngăn ‘na mơdró ƀă mâu khu mơdró ki kal hnê tối, mơhnhôk mâu khu mơdró tối tơchoâm ƀă khu mơdró kê tối tơchoâm ƀă khu mơdró vâi kơdrâi tối krê tung tê mơdró tro tiô luât, pêi kơtăng rak tro luât, pêi tiô pơkâ hnoăng cheăng tơná ƀă Tơnêi têa ƀă tơniăn ăm hnoăng rêh ối dêi mơngế ki pêi cheăng, pêi pro tơmeăm khoăng, tê mơdró troh tơdroăng mơnhông mơdêk krá tơniăn ton ƀă mơjiâng tuá pêi cheăng dêi Vâi kơdrâi ki mơdró kâ rơkê pêi tro tiô khôi tuá rêh ối dêi kuăn mơngế Việt Nam.

Gương tơplôu ƀă tơbleăng