VOV4.Sêdang - Kơxê lơ 11/4, a Hà Nội, Khu xiâm pơkuâ hnê hriâm ƀă hnê mơjiâng tuăn ngôa rơkê, Khu xiâm pơkuâ Đoân Droh rơtăm Kŏng san Hồ Chí Minh, Khu xiâm lo tŏng veăng Việt Nam, Tơdroăng tơkêa bro mơngế rơkê Việt Nam tơrŭm tơkŭm po leh mơhnhôk “Tơdroăng pói vâ dêi o’’.

Pôa Vũ Đức Đam, Ngế pro xiâm phŏ hnê ngăn Chin phuh troh veăng hôp.  “Tơdroăng pói vâ ăm o’’ vâ tơbleăng, troh lâp lu ƀă krếo thế tơkŭm kơxô̆ liăn vâ kum mơnhông hnê hriâm a mâu kơpong ki pá puât, kơpong hơngế hơngo, kơpong vâi krâ hdroâng kuăn ngo.

Xông tơpui a roh leh mơhnhôk, pôa Vũ Đức Đam tối ăm ‘nâi, ƀă kơxô̆ liăn dêi Tơnêi têa,  tơdroăng tơdjuôm ivá dêi mâu khu pú hên, ngế krê kô chôa ‘lâng ai hên tơmeăm kâ bê trếo piê kơhiâm ƀă tíu hriâm tâp dêi hok tro, mâu thái cô kơpong kong ngo, kơpong vâi krâ hdroâng kuăn ngo. Tơdroăng kố kô kum pêi pro tơdroăng pói vâ kân, mơjiâng Việt Nam chiâng môi kong têa ó rơdêi tŭm túa.

            A Sa Ly tơplôu ƀă tơbleăng