VOV4.Sêdang - Pôa Vũ Đức Đam, Ngế pro xiâm phŏ hnê ngăn tơnêi têa nếo pơkâ mâu khu xiâm, kơ koan ki tơdjâk hriăn plĕng pơkâ dêi Khu pơkuâ Ôm hyô Việt Nam, pơkâ mâu troăng pơkâ pêi, troăng hơlâ, troăng tŏng kum thâ, tah lôi mâu tơdroăng pá puât xua tơdjâk dêi pơreăng kân COVID 19 ƀă kơvâ ôm hyô.

Séa ngăn pơkâ dêi Khu pơkuâ Ôm hyô Việt Nam ‘na mâu troăng pêi ki thâ tŏng kum khu tê mơdró ôm hyô ƀă xúa Mơ-éa mơnhên pâk vaccine tung pơla tơdjâk dêi pơreăng kân COVID 19, pôa Vũ Đức Đam ai tơpui tối tiah kơ’nâi kố: Khu xiâm pơkuâ túa cheăng ƀă mơ’no liăn cheăng pơkuâ, tơrŭm ƀă Khu xiâm pơkuâ ‘na mơhno túa lĕm tro, Tơ’noăng ivá, Ôm hyô ƀă mâu khu xiâm, kơ koan ki tơdjâk hriăn plĕng pâ thế dêi Khu pơkuâ Ôm hyô Việt Nam, pơkâ mâu troăng pơkâ pêi, troăng hơlâ, troăng tŏng kum, tah lôi mâu tơdroăng pá puât tơdjâk dêi pơreăng kân COVID 19 ƀă kơvâ ôm hyô; tơkŭm tâi tâng, tơbleăng Ngế pro xiâm hnê ngăn Chin phuh tung pái khế pơtối dêi hơnăm 2021.

A Sa Ly tơplôu ƀă tơbleăng