VOV4.Sêdang - Pơkuâ roh hôp Khu hnê mơhno tơnêi têa hbrâ mơdât pơreăng COVID 19 tơkŭm po kơxo lơ 10/5, a tíu pêi cheăng Chin phuh, pôa Vũ Đức Đam, Ngế pro xiâm hnê ngăn tơnêi têa pơchân tối mâu kong pơlê, pơlê kong kơdrâm kal tơmâng tung hbrâ mơdât pơreăng a mâu tíu tê mơdró, kơpong hngêi kơmăi kơmok, hngêi pơkeăng, kơchơ, tíu xiâm tê mơdró, ki má lối cho drêng Khu xiâm ngăn pơkeăng ƀă khăm pơlât mơnhên tơdroăng ki tâ tú pơreăng rĕng tâ a mâu tíu ki kơdrâm mơngế.

Nôkố ai 26 kong pơlê, pơlê kong kơdrâm tung tơnêi têa dế ai pơreăng COVID 19. Pơreăng ối xông tâ tú ton, tá hâi mơnhên hâi khế ki tâi pơreăng, Vi ƀan mâu kong pơlê, pơlê kong kơdrâm kal thăm seá ngăn, mơhnhôk mâu tíu mơjiâng pro kế tơmeăm khoăng tung kong pơlê kơtăng pêi pro pơkâ dêi Khu hnê mơhno tơnêi têa ‘na tơdroăng hnê mơhno hbrâ mơdât pơreăng ƀă mơnhên tơdroăng ki tâ tú pơreăng a mơngế pêi cheăng dêi tíu pêi cheăng ƀă tíu hngêi ối kơdrâm mơngế ăm mâu ngế pêi cheăng.

Ƀă mâu tíu pêi cheăng ki tơ’lêi tâ tú ki ê môi tiah: hngêi pơkeăng, kơchơ, tíu xiâm tê mơdró kal pêi pro kơtăng mâu pơkâ hbrâ mơdât pơreăng hiăng châ Khu xiâm ngăn pơkeăng ƀă khăm pơlât hnê mơhno.

Sa Ly tơplôu ƀă tơbleăng