VOV4.Sêdang - A hneăng hôp mơ’no tơdrêng ƀă 2 kong pơlê Bắc Ninh ƀă Bắc Giang kơxê lơ 7/6, pôa Vũ Đức Đam, Ngế pro xiâm phŏ hnê ngăn tơnêi têa, Ngế xiâm hnê mơhno tơnêi têa thế kong pơlê Bắc Ninh hbrâ rơnáu ƀă tíu xiâm tâ tú pơreăng ki nếo a Kŏng ti AAC. A kong pơlê Bắc Ninh, ai 3 tơring xuân ai tro tâ pơreăng ki nếo dêi COVID-19, mê cho tơring Thuận Thành, Quế Võ ƀă pơlê kong kơdrâm Bắc Ninh.

Hlo tơdroăng tơring Thuận Thành tối ai 58 to thôn kô klâ krê pơlê pơla, pôa Vũ Đức Đam, Ngế pro xiâm phŏ hnê ngăn tơnêi têa, tối pơchân mâu thôn pơlê mê pôi ta tơngôu, pôi tá pro tơná ôh tá xâu. Troh nôkố, a kong pơlê Bắc Giang hiăng kâi mơdât xiâm ki tâ tú drêng 5 rơpâu 800 túa khăm ngăn mơheăm tung kuăn pơlê a tơring Việt Yên hiăng hlo âm tính.

Pôa Vũ Đức Đam tối nhên, tơdroăng rak ngăn kơtăng tung kơpong klâ krê, kơpong klâ krê ăm kuăn pơlê ối hơngế cho tơdroăng pêi pro ki kal khât, tíu ki lâi khu râ kăn, kong pơlê pêi pro tro pơkâ mơdât pơreăng mơdêk hoăng cheăng tơná tíu mê tơniăn ’nâ hía rĕng kâi châ mơdât pơreăng.

Gương tơplôu ƀă tơbleăng