VOV4.Sêdang - Hâi lơ 1/4, Việt Nam tơdah 811 rơpâu 200 klŏng pơkeăng vaccine hbrâ mơdât COVID 19 apoăng sap ing Covax Facility ƀă tơdroăng tŏng kum dêi UNICEF, WHO, GAVI ƀă CEPI, mâu khu mơjiâng pro vaccine ƀă mâu ngế ki ê vâ tơniăn mâu kong têa pơrá châ pâk vaccine tơdâng tơ’mô ƀă châ tơƀrê. A leh tơdah Vaccine COVID 19 a Hà Nội, pôa Vũ Đức Đam pơtroh rơkong mơnê mâu kong têa ƀă mâu khu tơrŭm cheăng lâp plâi tơnêi hiăng tŏng kum vaccine COVID 19 ăm Việt Nam.

Tơdrêng amê, mơnhên tối Việt Nam mơni kô xúa châ tơƀrê tro tiô troăng tơdâng tơ’mô ‘na vaccine. Tiô tối hdrối, kô ai lối 3,3 rơtuh klŏng vaccine châ tê a khế 5 la ngiâ, kơ’nâi mê vaccine kô pơtối châ xing xoăng ƀă tê ăm Việt Nam a mơ’nui hơnăm 2021.

          A Sa Ly tơplôu ƀă tơpleăng