VOV4.Sêdang - Kơxo lơ 31/3, Kuô̆k hô̆i hiăng pê kêi tơdroăng tâ phĭu rah xo Kăn Kuô̆k hô̆i hneăng 14, Kăn xiâm hnê ngăn Hô̆i đong Tâ phĭu rah xo kăn dêi Tơnêi têa teăng jâ Nguyễn Thị Kim Ngân- Ngế ki hiăng châ Kăn Kuô̆k hô̆i rah xo nah nôkố oh tá rah xo xếo. Ƀă kơxô̆ phĭu hên, pôa Vương Đình Huệ - Ngế cheăng tung khu xiâm kal kí, Kăn pơkuâ ngăn Đảng pơlê kong kân Hà Nội, Ngế pơkuâ djâ khu kăn Kuô̆k hô̆i pơlê kong kân Hà Nội hiăng châ Kuô̆k hô̆i rah xo pro Kăn xiâm hnê ngăn Kuô̆k hô̆i hneăng 14, Kăn xiâm hnê ngăn Hô̆i đong Tâ phĭu tơnêi têa.

Pôa Vương Đình Huệ, châ rah xo pro Kăn xiâm hnê ngăn Kuôk hô̆i

Tơdroăng pơkâ râh xo pôa Vương Đình Huệ pro Kăn xiâm hnê ngăn Kuô̆k hô̆i châ Kuô̆k hô̆i têk kŏng tiâ vâ tơbleăng ƀă ai tâi tâng 437/437 ngế kăn veăng vâ môi tuăn (châ 98,54% tung tâi tâng kơxô̆ mâu kăn Kuô̆k hô̆i.

Tơpui klêi leh xo hnoăng to pro kăn, pôa Vương Đình Huệ tối kô mơ-eăm pêi cheăng tâi ivá tơná, rơtế ƀă Vi ƀan pơkuâ cheăng Kuô̆k hô̆i, mâu kơ koan dêi Kuô̆k hô̆i ƀă mâu kăn Kuô̆k hô̆i ki pơtối rak vế tơdroăng ki lĕm tro ƀă hnoăng cheăng pêi ki kân dêi Kuô̆k hô̆i ing mâu rơxông, pơtối hơ’leh nếo túa pêi cheăng, mơdêk ki tơ-ƀrê, pơxúa dêi tơdroăng cheăng Kuô̆k hô̆i, xua tơdroăng pơkâ pêi cheăng ăm pơxúa tơnêi têa, hdroâng mơngế, xua vâ hơniâp ăm Kuăn pơlê.

Gương tơplôu ƀă tơbleăng