VOV4.Sêdang - Kơxê lơ 10/6, pôa Vương Đình Huệ, kăn xiâm hnê ngăn Kuô̆k hô̆i hiăng troh pôu ƀă pêi cheăng a Học viện Quân y. Tơpui a rôh pêi cheăng, pôa Vương Đình Huệ mơnhên tối khât ivá mơ-eăm ƀă mâu tơdroăng ki hiăng pêi pro klêi ki Học viện Quân y hiăng pêi klêi tung plâ 72 hơnăm mơjiâng ƀă xông tơtêk. Malối, tung hnoăng cheăng hbrâ mơdât pơreăng Covid-19, Học viện Quân y veăng kơhnâ, tơƀrê tung pơla hdrối kố nah.

Pôa Vương Đình Huệ, kăn xiâm hnê ngăn Kuô̆k hô̆i lăm pôu pêi cheăng a Học viện Quân y

Pôa Vương Đình Huệ pơkâ thế Học viện Quân y tơkŭm pêi pro tro mâu tơdroăng ki kal, môi tiah: tơtrrŏng hnê mâu ngế pêi cheăng rơkê châ achê, tơrŭm ƀă tơdroăng ki rơkê plĕng khoa hok kong ngê̆ ƀă tơdroăng ki hnê hriâm rơkê plĕng dêi kong têa ê; pơtối mơdêk hnoăng cheăng rak ngăn ƀă mơdêk ki rơkê plĕng tung pơlât, pêi pro hên mâu túa pơkâ khăm pơlât, xo ngế ki châi tamo pro ki xiâm; tơrŭm khăm pơkâ pơlât ƀă hriăn ngăn khoa hok ƀă hnê hriâm tơdroăng cheăng.

Nga tơplôu ƀă tơbleăng