VOV4.Sêdang - Kơxo lơ 3/6, a hngêi pêi cheăng Kuô̆k hô̆i, pôa  Vương Đình Huệ, Kăn xiâm hnê ngăn Kuô̆k hô̆i hiăng tơpui tơdrêng tung um tơvi ƀă pôa Samdech Heng Samrin, Kăn xiâm hnê ngăn Kuô̆k hô̆i kong têa Kul. A rôh tơpui, péa ngế Kăn Kuô̆k hô̆i khĕn kơdeăn mâu hnoăng pêi pro ki kal tung tơrŭm cheăng pơla péa tơnêi têa tung mâu hơnăm hdrối nah.

Pôa Vương Đình Huệ, Kăn xiâm hnê ngăn Kuô̆k

Tung pơla ai pơreăng COVID-19, Kăn xiâm 2 tơnêi têa xuân pơtối rak vế, tơpui tơno đi đo ƀă dêi rơpó; mâu luât pơkâ tơrŭm cheăng pơla péa pâ pơtối rak vế tơ-ƀrê; tơdroăng cheăng tê mơdró pơla péa pâ pơtối tâk hên, 4 khế apoăng hơnăm 2021 châ 3,9 rơtal dollars, tâk 122% tâng vâ pơchông ƀă hơnăm nah, veăng mơnhông cheăng kâ dêi 2 tơnêi têa, mơnhông tơ droăng rêh ối dêi kuăn pơlê.

Péa ngế Kăn xiâm hnê ngăn Kuô̆k hô̆i vâ môi tuăn tiah kố, tung rôh tơrŭm cheăng ƀă hên troăng, Kuô̆k hô̆i péa tơnêi têa nhoăm troăng hơlâ ƀă vâ môi tuăn dêi rơpó a mâu hneăng hôp mâu kăn Kuô̆k hô̆i tung kơpong ƀă lâp plâi tơnêi môi tiah IPU, Khu tơrŭm cheăng mâu kăn Kuô̆k hô̆i lâp plâi tơnêi, Hneăng hôp kân Hô̆i đong Khu tơrŭm cheăng dêi mâu kong têa Đông Nam Á, Hneăng hôp mâu kăn Kuô̆k hô̆i mâu kong têa tơpui nâl Pơhlăng, Hô̆i đong Kuô̆k hô̆i châu Á ƀă Kuô̆k hô̆i châu Á - Thái Bình Dương.

Gương tơplôu ƀă tơbleăng