VOV4.Sêdang - Kơxo lơ 11/4, a kong pơlê Nghệ An, pôa Vương Đình Huệ, Kăn xiâm hnê ngăn Kuôk hô̆i  hiăng veăng leh, pôa Nguyễn Thanh Long, Ngế xiâm ngăn ‘na pơkeăng ƀă khăm pơlât tối tiah kố, tơdroăng diâp pơkâ mơnhên pơcháu pêi hnoăng cheăng ki mơ’nui ‘na tơdroăng cheăng pêi kih thuâ khăm, pơlât kơpong peăng Kơnhŏng tơdế tơnêi têa ăm hngêi pơkeăng tơrŭm cheăng pơlât hên kơvâ cheăng dêi Nghệ An, cho tơdroăng mơhno ki kal dêi kong pơlê vâ pê klêi tơdroăng pơkâ kơxô̆ 26 dêi khu xiâm Kal kí ƀă tơdroăng pơkâ hneăng hôp kân Đảng ƀô̆ kong pơlê Nghệ An roh má 19 hiăng pơkâ.

Rôh kố, pôa Vương Đình Huệ hiăng hbru 3 toăng kơmăi vâ hiâm ki dâi lê̆m ăm Hngêi pơkeăng Tơrŭm cheăng pơlât hên kơvâ dêi Nghệ  An.

Gương tơplôu ƀă tơbleăng