VOV4.Sêdang - Kơxê lơ 12/4, a Tíu pêi cheăng Kuô̆k hô̆i hiăng po rôh hôp má 5, Hô̆i đong tâ phĭu tơnêi têa. Pôa Vương Đình Huệ, Kăn xiâm hnê ngăn Kuô̆k hô̆i, Kăn hnê ngăn Hô̆i đong tâ phĭu tơnêi têa pơkuâ hneăng hôp. Kố cho hneăng hôp apoăng klêi mâu ngế cheăng tung Hô̆i đong châ xo hnoăng cheăng pơcháu pêi.

Pôa Vương Đình Huệ, Kăn xiâm hnê ngăn Kuô̆k hô̆i, Kăn xiâm hnê ngăn Hô̆i đong tâ phĭu tơnêi têa tối, tung pơla sap nôkố ta troh hâi tâ phĭu rah xo kăn Kuô̆k hô̆i  hneăng 15 ƀă Hô̆i đong hnê ngăn kuăn pơlê rêm râ hneăng hơnăm 2021-2026 ôh tá ton xếo, tơdroăng cheăng pêi hên, a hneăng hôp mâu kăn tung Hô̆i đong tâ phĭu tơmâng tối tơbleăng ƀă tơdroăng tơpui ‘na tơbleăng hnoăng cheăng pêi klêi rôh hôp Hôi đong tâ phĭu tơnêi têa rôh má 4 troh nôkố; tơmâng tối tơbleăng tơdroăng cheăng hbrâ hneăng Hôp tơpui tơno roh má pái; veăng hnê tối mâu tơdroăng ki kân kal tơmâng vâ potối tơbleăng pêi tung la ngiâ.

Pôa Vương Đình Huệ thế, mơdêk tơdroăng hnê tối ‘na tâ phĭu, vâ hâi tâ phĭu cho hâi leh kân dêi tâi tâng kuăn pơlê.

Gương tơplôu ƀă tơbleăng