VOV4.Sedang - Klêi pêi pro hnoăng rêh ối pêi cheăng dêi kuăn pơlê tơná, ing kơpong tâ phĭu kơxô̆ 1, tíu tâ phĭu kơxô̆ 3 pơlê kong kân Hải Phòng, pôa Vương Đình Huệ, Kăn xiâm hnê ngăn Hô̆i đong tâ phĭu Tơnêi têa, hiăng pơtroh tơdroăng rơkâu ki lĕm tro má môi ăm kuăn pơlê, mâu lêng, kuăn pơlê tung lâp tơnêi têa tung hâi leh kân dêi tơnêi têa.

Pôa Vương Đình Huệ, Kăn xiâm hnê ngăn Kuô̆k hô̆i tiâ rơkong kơ-êng 

Kăn xiâm hnê ngăn Kuô̆k hô̆i tối nhên: “Tung pơla dế ai pơreăng COVID-19 tâ tú rơ-iô tâ, lâp lu troh hên kong pơlê, pơlê kong kân, ngin pơxá tô tuăn rêm hâi, rêm chôu tung pơla hbrâ vâ troh hâi tâ phĭu kô. Hâi lơ 22/5, pin tâ hơniâp ro drêng tung lâp tơnêi têa ai 16 to kong pơlê ƀă 500 rơpâu ngế kuăn pơlê lăm tâ phĭu rĕng tâ 99,96% ngế kuăn pơlê lăm tâ phĭu, tung mê ai 14/16 to kong pơlê châ 100% ngế kuăn pơlê lăm tâ.

Klêi tâ phĭu drêng kố, pin rế hlo ki rơdêi dế tâi tâng kuăn pơlê, ing hnoăng pơkuâ dêi Đảng ƀă ing tuăn mơhno hnê dêi Pôa Hồ ki rơkê, kô chông djâ tơnêi têa pin pơtối prôk troh ƀlêi trâng kố troh ƀlêi trâng ki ê nếo.

Gương tơplôu ƀă tơbleăng