VOV4.Sêdang - Tơdroăng pơreăng COVID-19 tâ tú a hên kong têa tung lâp plâi tơnêi, malối cho mâu kong têa tung kơpong môi tiah Ấn Độ, Siam, Lếo, Kul dế hlo ôh tá tơniăn, pro rơ-iô khât; Kơxô̆ mơngế ki nếo tâ, kơxô̆ mơngế hlâ tung môi hâi rế pơtối tâk hên, Ngế pro xiâm hnê ngăn Chin phuh nếo kĭ pơkâ tơdroăng pêi pro hbrâ mơdât pơreăng COVID-19 pơtroh ăm mâu khu xiâm, kơvâ cheăng, kơ koan ki ối tung Chin phuh, Vi ƀan hnê ngăn mâu kong pơlê, pơlê kong kân.

Luâ tâ kơ mê nếo, pâ thế mâu khu xiâm, kơvâ cheăng, kơ koan ki ai tơdjâk troh ƀă khu kăn pơkuâ mâu kong pơlê athế ai mâu troăng hơlâ tơtro ƀă tơƀrê vâ hbrâ mơdât pơreăng tâ tú. Mâu khu xiâm, kơvâ cheăng, kong pơlê tơbleăng tơdrêng hlối hlá mơ-éa pơtroh dêi Ngế pro xiâm hnê ngăn Chin phuh, mơdêk tơdroăng ki hbrâ kơchăng ƀă tơdroăng ki mơni kô tâ tú dêi pơreăng; mơdêk hnoăng cheăng pơkuâ dêi ngế pơkuâ, pêi pro kơhnâ, tơdâng tơ’mô, re\ng châ ‘nâi, klâ ăm ối krê, pơlât tơƀrê, pơkâ tơleăng re\ng tơniăn ‘na tơdroăng ki pơreăng tâ tú.

Katarina Nga tơplôu ƀă tơbleăng