Troh nôkố, tâi tâng Đảng [o# rêm râ dêi kong pơlê Thái Bình [ă 7 tơring, pơlê kân hiăng klêi tơku\m po hneăng hôp kân. Tung kong pơlê Thái Bình dế hbrâ po hneăng hôp kân Đảng [o# kong pơlê roh má 20, hneăng hơnăm 2020 – 2025. Pơtối rak vế troăng hơlâ môi tuăn tung pơla hbrâ vâ rah xo mâu ngế [ă 5 tơdroăng râ kong pơlê Thái Bình pêi pro kơtăng.

Pôa Phạm Đồng Thụy, kăn pho\ hnê ngăn Đảng kong pơlê Thái Bình tối ăm ‘nâi: Troăng hơlâ thế pro tro pơkâ troăng hơlâ hnê dêi Tíu xiâm vâ rah xo mâu ngế ki tơxâng mot tung khu kăn Đảng [o# kong pơlê, vâ pơkuâ hnê mơhno mơnhông mơdêk cheăng kâ – rêh ối tung hneăng hơnăm 2020 -2025:

‘’Hnê mơhno dêi khu tơru\m cheăng xiâm [ă hnê mơhno dêi Khu xiâm kal kí ‘na tơdroăng pơkâ nhên khât. Mê cho rôh kố pêi pro tơdroăng pơkâ dêi mâu ngế pơtối châ rah xo. Klêi mê nếo pơkâ mâu ngế ki nếo. Kố cho môi tơdroăng pêi pro ki nhên, vâ mâu kăn [o#, mâu vâi pú ai hnoăng cheăng hbrâ mơngế tí tăng ‘nâi mâu ngế dêi tơná vâ ai hlá ph^u, châ hbrâ tro’’.

Tâng pơchông [ă 3 tơdroăng pêi pro a hneăng hôp má 12, drêng kố, Khu xiâm kal kí hiăng pơkâ nhên [ă mâu ngế ki pơtối châ rah xo [ă cho rôh apoăng khu râ kăn châ pêi pro tro tiô 5 tơdroăng. Tung 5 tơdroăng mê ai tơdroăng hbrâ pêi pro tơdroăng tơkêa bro; hnê tối dêi kăn [o# xiâm, luâ 2 hdrôh tơmâng xo tơdroăng veăng hnê tối dêi khu kăn [ă mơ’nui cho hmâ tâ ph^u, [ă 5 tơdroăng pơkâ hiăng po rơdâ  tơbleăng tro tuăn kuăn pơlê tung pơkâ ‘na mơngế.

Môi tung mâu tơdroăng tơxâng tơmâng tung pơla 5 tơdroăng mê cho, séa ngăn mơngế a ngiâ khu kăn, tâng ai hlá đơn săm phoăng săm tơkêng ‘na ki rơkê lơ ôh dêi tơdroăng cheăng, ‘na tuăn mơno, ‘na ai [âng lơ ôh, chêh tối mâu tơmeăm khoăng… khu ngăn ‘na mơngế ai hnoăng cheăng tơku\m tối tơbleăng hdrối vâ rah xo mơngế tung hneăng hôp. Sap ing tơdroăng veăng pêi tung pơla hbrâ mơngế ăm hneăng hôp a Hà Nội, pôa Vũ Đức Bảo, Ngế xiâm pơkuâ ngăn khu tơru\m cheăng Đảng pơlê kong kân Hà Nôi tối:

‘’Hà Nội tung tơdroăng cheăng ‘na hbrâ mơngế dêi khu râ ngin hiăng hnê mơhno vâ pêi pro. Tung pơla séa ngăn [ă hbrâ mơngế ăm khu kăn rêm râ mê tơdroăng pơkâ kố hiăng pơtối rak vế ki pơxúa ‘na tơdroăng ai khât. Mâu tíu ki lâi ai ngế ai mâu ngế pro xôi: tung hồ sơ , ki khât gá… xuân châ ngăn, séa ngăn tối tro khât.

Hà Nội hdrối kố nah ai 50 Đảng [o# dêi pơlê kong kân, tung mê ai 2 rơpâu 310 Đảng [o# râ ki mê tối tơbleăng hmâng tơtro [ă [ai chêh. Ing mê, ngin rah xo [ă a râ Đảng xuân ôh tá vâ môi tiah ‘na mơngế ki rah xo, ai mâu tíu ki ‘nâ ối pro xôi tơdroăng pơkâ mê’’.

Tơdroăng ki tơxâng vâ tối tung pơkâ 5 tơdroăng pêi pro cho tâi tâng mâu tơdroăng cheăng sap ing Khu kăn Đảng, Kăn pơkuâ hnê mơhno xuân thế ai kơxo# ki rơlối. Tung mê, Khu kăn Đảng kơxo# ki rơlối ki iâ gá 15%.  Mâu tơdroăng cheăng kăn hnê ngăn, kăn pơkuâ hnê ngăn Đảng [ă kăn pho\ tơbleăng tối xuân thế ai kơxo# rơlối. Tiah mê, mâu ki veăng vâ mot tung khu kăn hôm châ pôk lơ ôh thế ai tro tiô pơkâ, tro tơdroăng châ pêi pro tro tơbleăng ăm ‘nâi tung 5 tơdroăng pêi pro [ă ngăn nhên hdrối vâ k^.

Ing mê, hiăng pơtối rak vế ki môi tuăn tung Đảng, malối rah xo vâ tơbleăng mâu kăn [o# vâ  veăng tung khu kăn Đảng hneăng ki nếo. Pêi pro tro tiô pơkâ 5 tơdroăng pêi pro tâi tâng ‘na mơngế châ rah xo, tơbleăng a hneăng hôp xuân cho mâu ngế ki kơhnâ rơkê ai hiâm tuăn le\m  hên ngế vâ rah xo tung khu Đảng [ă tung mâu kăn [o# xiâm.

Pôa Phạm Mạnh Khởi, Ngế xiâm ngăn ‘na Tíu cheăng Đảng, đảng viên, Khu tơru\m cheăng Đảng  xiâm tơnêi têa tối:

‘’Tung tơdroăng cheăng ‘na mơngế thế ngăn nhên ki rơkê, rah xo tro tiô tơdroăng pơkâ, klêi mê tối nhên ‘na kăn [o# ki mê hôm ai hiâm tuăn le\m, tơdroăng rêh ối ti lâi hôm le\m, hôm rơkê, hôm hên ngế nhoăm loi [ă  tơdroăng cheăng pêi hôm tơ-[rê. Mâu tơdroăng ki pá, tơvâ tơvân, oh tá tơniăn, ối hên tơdroăng tối pơrá phá dêi rơpó thế rak tro pơkâ, pêi pro tro tiô troăng hơlâ po rơdâ môi tuăn kuăn pơlê, thế pơtối rak vế ki rơkê dêi khu pú hên [ă pơkâ tiô hên ngế’’.

Vâ hneăng klêi tơniăn, tơdroăng tơkêa ‘na mơngế kal pêi pro tiô tơdroăng pơkâ ‘’Pro choâ ‘lâng krá tơniăn; choâ pêi nhên, hbrâ rơnáu; tơrêm tơdroăng cheăng, pêi nhên, pro dâng lâi thế krá kâk troh dâng mê’’; tơniăn tro kơxo#, tro tiô pơkâ, tơmiât nhên troh tơdroăng ki pơtối, hơ’leh nếo mơnhông mơdêk đi đo dêi khu kăn [o#.

‘Na tơdroăng cheăng mơngế tơru\m [ă tơtro pơla tơdroăng cheăng hnê [ă ki tơ-[rê ‘na ki hlê rơkê; pơla tơdroăng cheăng pêi [ă troăng hơlâ mơnhông mơdêk, pơla ki hên [ă ki hmâ hlo; thế tơbleăng tơdrăng ăm ‘nâi tâi tâng, tơdâng tơ’mô, môi tuăn, mơhnhôk [ă mơnhông mơdêk, hiâm mơno tơdrăng le\m. Malối, mơ-eăm ôh tá ăm châ ăm ai ngế châ mot tung khu Đảng mâu ki oh tá tơxâng, oh tá ai tu\m pơkâ, la xuân ôh tá lôi mâu kăn [o# ki ai hiâm mơno le\m, hlối rơkê, ki hên vâi nhoăm loi. Vâ ai ti mê kal thế pêi pro tiô pơkâ 5 tơdroăng pêi pro kơtăng, nhên [ă hlối tơ-[rê.  

Lại Hoa -  VOV1 chêh

Gương tơplôu [ă tơbleăng