VOV4.XơĐăng - Pôa Nguyễn Xuân Phúc, Kăn xiâm hnê ngăn tơnêi têa nếo kĭ Pơkâ ‘na tơdroăng diâp kơxuô tơmeăm ăm mâu ngế ai hnoăng ƀă kăch măng klăng roh Têt Lo hơnăm nếo Nhâm Dần hơnăm 2022. Pơtối mê, kơlo kơxuô tơmeăm 600 rơpâu liăn diâp ăm mơngế ai hnoăng ƀă kăch măng, mê cho: Mơngế pêi cheăng kăch măng hdrối hâi lơ 01 khế 01 hơnăm 1945 dế châ tŏng kum kơjo rêm khế; Mơngế pêi cheăng kăch măng sap hâi lơ 01 khế 01 hơnăm 1945 troh hâi xông tơplâ xâ khế 8 hơnăm 1945 dế châ tŏng kum kơjo rêm khế; Jâ nôu Việt Nam khên tơnôu dế châ tŏng kum rêm khế; Ngế khên tơnôu khu lêng kuăn pơlê, Ngế khên tơnôu Pêi cheăng tung rơxông tơplâ xâ dế châ tŏng kum rêm khế; Mô đô̆i rong râ, ngế châ kum ing troăng hơlâ môi tiah mô đô̆i rong râ, mô đô̆i rong râ khu B, mô đô̆i châi tamo tro rong tung châ sap ing 81% tơngi klêng dế châ tŏng kum kơjo rêm khế ƀă hía hé.

Nhŏng o mâu ngế mô đô̆i dế châ tŏng kum păn roăng rêm khế ƀă nhŏng o dêi péa ngế mô đô̆i hlâ tung tơplâ xâ dế châ tŏng kum rêm khế xuân châ tơdah kơlo kơxuô tơmeăm 600 rơpâu liăn. Kơlo kơxuô tơmeăm 300 rơpâu liăn diâp ăm mâu ngế ai hnoăng ƀă kăch măng.

A Sa Ly tơplôu ƀă tơbleăng