VOV4.Sêdang - A Hà Nội, Khu xiâm ngăn ‘na chiâk deăng ƀă mơnhông thôn pơlê tơkŭm po hôp ƀă mâu khu xiâm, kơvâ cheăng tơpui ‘na troăng hơlâ pơkâ tơleăng mâu tơdroăng ki tơvâ tơvân tung tơdroăng ki pơto chơ kế tơmeăm pêi lo ing chiâk deăng lo a bo cheăng ƀă chơ kế tơmeăm ki pêi lo ing chiâk deăng pơla mâu kong pơlê. A rôh hôp, mâu kăn tối tiah kố, xua hiăng pơxiâm vâ krí xo plâi treăng kêt dro, vâ mơdêk tơdroăng ki tê tung tơnêi têa, malối cho a mâu kong pơlê peăng hdroh, mâu khu xiâm, kơvâ cheăng ƀă kong pơlê kal pro tơ’lêi hlâu má môi ăm tơdroăng ki chơ, tê kế tơmeăm kố; mơdêk tŏng kum khu mơdró kâ roê, séa ngăn vâ châ tê ngi kong têa ê xuân môi tiah tê tung tơnêi têa.

Hdrối mê, Khu ngăn droh rơtăm Khô̆i mâu kơ koan kong pơlê Thái Nguyên xuân hiăng tơkŭm po tơdah xo ƀă tŏng kum tê 27 tâ̆n pía kái kum kuăn pơlê ki pêi chiâk deăng kong pơlê Bắc Giang.

Katarina Nga tơplôu ƀă tơbleăng