Êng: Ô pôa! Nôkố, hngêi pơkeăng kân kơpong Tây Nguyên kal pêi pro i kêi đeăng mâu tơmeăm klâi vâ pêi pro tro má môi tơdroăng khăm pơlât?

Pôa Doãn Hữu Long: Hngêi pơkeăng kân kơpong Tây Nguyên châ mơjiâng mâu kế tơmeăm tiô k^ tơkêa ăm pêi pro roh apoăng mê troh nôkố hiăng kêi đeăng. Laga, tung pơkâ apoăng mê hngêi pơkeăng ai 800 toăng xoăng koi pơlât, tơdrêng amê klâ Hngêi pơkeăng kân kong pơlê Dak Lak chiâng péa hngêi pơkeăng, cho hngêi pơkeăng mơhum kuăn ngá, pơlât vâ hdrêng [a\ pơlât u\m kơtuâ tung châ. Laga, xua kơxo# liăn dêi tơnêi têa ôh tá tu\m mê ôh tá chiâng rơtế môi xôh mơjiâng 3 hngêi pơkeăng. Mê, Vi [an kong pơlê hiăng hnê mơhno pơtroh ăm tâi tâng mâu tơmeăm, kơmăi kơmok khăm pơlât hngêi pơkeăng kân kong pơlê Dak Lak troh a hngêi pơkeăng kân kơpong Tây Nguyên, kô tơxâng vâ pơlât 1.200 ngế tamo châi. Xua mê, kơvâ ngăn pơkeăng [a\ khăm pơlât tơbleăng ăm Vi [an kong pơlê thăm mơjiâng pro tơ’nôm mâu tơmeăm vâ tro tiô kal vâ nôkố a hngêi pơkeăng kân kong pơlê Dak Lak nôkố. Xua thế mơjiâng pro tơ’nôm mâu tơmeăm tơtro tiô kal vâ nôkố, xua mê mâu kế tơmeăm hiăng vâ kêi đeăng, môi tiah hngêi ‘măn xok, tíu mơgrúa têa ‘mêi, loăng tung plông. Laga mâu tơmeăm kố ôh tá tơdjâk troh tơdroăng khăm pơlât. Tung la ngiâ kơvâ ngăn pơkeăng [a\ khăm pơlât kô tơbleăng ăm Vi [an kong pơlê ăm phêp mơjiâng pro kơnâng kâng kơvâ pơlât Truyền nhiễm [a\ mâu kơpong ki ê, xuân môi tiah kông tơdjêp mâu kơvâ [a\ mâu hnôu, plông vâ pro tiah lâi vâ hngêi pơkeăng châ xúa tơdâng tơ’mô.

Êng: Cho hngêi pơkeăng râ kơpong, Hngêi pơkeăng kân kơpong Tây Nguyên hiăng châ mơ’no liăn môi tiah lâi vâ tơxâng tâ tơdroăng khăm pơlât dêi kuăn pơlê kong pơlê Dak Lak tối krê xêh [a\ kơpong Tây Nguyên tối tơdjuôm?

Pôa Doãn Hữu Long: Tung pơla kố nah, Vi [an kong pơlê tơmâng troh tơdroăng rôe tơmeăm, kơmăi kơmok khăm pơlât [a\ hiăng ai môi tơdroăng tơkêa bro mơ’no liăn cheăng lối 300 rơtal liăn vâ rôe tơmeăm ki khăm pơlât. {a\ mơngế pêi cheăng, maluâ tá hâi tu\m laga khu pơkuâ Hngêi pơkeăng hiăng hbrâ hơp đong tơ’nôm [a\ hr^ng ngế kăn [o# [ok thái pơkeăng vâ tu\m [ok thái pơkeăng pơlât châi tamo ăm kuăn pơlê. Tơdrêng [a\ tơdroăng rak tơniăn tu\m mơngế pêi cheăng, kơvâ ngăn pơkeăng [a\ khăm pơlât xuân tơmâng troh tơdroăng mơdêk hnoăng rak ngăn pơkeăng [a\ khăm pơlât ăm mâu thái pơkeăng, [ok thái pơkeăng vâ châ tro tiô pơkâ hngêi pơkeăng má môi, cho lối 60% mâu [ok thái pơkeăng cho kăn pơkuâ, pho\ pơkuâ hriâm chuyên khoa 2  lơ tie#n sih tơngi klêng. Tơniăn ai mâu [ok thái pơkeăng thế chiâng pêi rơkê lối 50 kih thuât pơlât ki nếo môi tiah pơlât plâi nuih, pơklêp kloăng mâ, krâ kơmăi mơjiâng hiâm [a\ hía hé vâ pro tiah lâi Hngêi pơkeăng kơpong Tây Nguyên tơtro tiô kal vâ tu\m têk, ôh tá xê to mơngế kuăn pơlê Dak Lak mê ối ai mâu kong pơlê ki achê mê [a\ mâu kong pơlê dêi péa kong têa pú hmâ Lếo [a\ Kul troh pơlât akố.

Êng: Tung la ngiâ, kơvâ ngăn pơkeăng [a\ khăm pơlât Dak Lak kô po rơdâ mâu tơdroăng klâi vâ rế hía rế mơdêk tơdroăng pêi cheăng dêi hngêi pơkeăng kân kơpong Tây Nguyên?

Pôa Doãn Hữu Long: Ki dâi le\m dêi hngêi pơkeăng châ mơnhên ing 83 túa pêi ing hngêi trăng, troăng klông, kơmăi kơmok pơlât troh mơngế pêi cheăng [a\ ki rơhêng vâ tối cho tuăn rơkê dêi kăn [o# [ok thái pơkeăng. Xua mê, kơvâ ngăn pơkeăng [a\ khăm pơlât hiăng tơtro\ng troh tơdroăng mơnhông mơdêk mơngế pêi cheăng, tơdroăng mơjiâng iâ hâi [a\ ton hâi pơrá châ po rơdâ đi đo, ki má lối cho mâu chuyên khoa ki trâu rơdâ. Tung la ngiâ, kơvâ ngăn pơkeăng [a\ khăm pơlât kô mơjiâng tơ’nôm mâu chuyên khoa, ki rơhêng vâ tối tơmâng troh kơvâ pơlât plâi nuih, kơkốu, troăng nu\m [a\ u\m tung châ. ‘Na hngêi trăng, troăng klông kô tơbleăng ăm Vi [an kong pơlê mơjiâng tơ’nôm Tíu xiâm mơhum kuăn ngá, rak ngăn [a\ pơlât u\m kơtuâ tung châ vâ tơxâng tiô kal vâ pơlât dêi kuăn pơlê. Tơdrêng amê, pơtối mơdêk hiâm mơno, tơdroăng kum dêi kăn [o# ngăn pơkeăng [a\ khăm pơlât vâ tơtro tiô môi tuăn dêi mơngế châi tamo. Thăm mơdêk ki dâi le\m, tơku\m mơnhông mơdêk môi tiah á hiăng tối ‘na kơvâ pơlât plâi nuih, kô chiâng po pơlât plâi nuih, pơklêp tơdroăng châi tung châ xuân môi tiah mâu kih thuât rơkê ki ê.

Êng: Hôm mơnê kơ pôa

Thu Huế - Đình Thi

A Sa Ly tơplôu [a\ tơbleăng