VOV4.Sêdang - Kơxo lơ 7/5 hiăng po leh diâp pri dêi Vi ƀan pơlê kong kân Hồ Chí Minh diâp ăm mâu kăn 2 pơlê kong xiâm Phnom Penh dêi kong têa Kul ƀă Vientiane dêi kong têa Lếo vâ kum mâu pơlê kong kân mê tung tơdroăng hbrâ mơdât pơreăng COVID- 19. Hâi leh po tiô tơdroăng mơ’no tơdrêng a 3 tíu Pơlê kong kân Hồ Chí Minh, Phnom Penh ƀă Vientiane. Veăng leh mê ai pôa Nguyễn Thành Phong, pôa Khuong Sreng, Ngế pơkuâ pơlê kong kân Phnom Penh  ƀă pôa Atsaphangthong Siphandone, Ngế pơkuâ pơlê kong xiâm Vientiane.

Tối tơbleăng a hâi leh, Kăn xiâm hnê ngăn pơlê kong kân Hồ Chí Minh, pơlê kong xiâm Phnom Penh ƀă pơlê kong xiâm Vientiane púi  vâ pơtối tơrŭm krá tâ pơla mâu kăn ƀă kuăn pơlê 3 pơlê kong kân, vâ mơdêk tơrŭm cheăng, tơpui tơno ăm dêi rơpó ‘nâi mâu tơdroăng, malối ‘na cheăng kâ, tê mơdró klêi kơ’nâi kâi mơdât pơreăng. Rôh kô, pôa Nguyễn Thành Long, Kăn hnê ngăn pơlê kong kân Hồ Chí Minh hiăng diâp tơmeăm veăng kum 50 rơpâu dollars ăm mâu kăn rêm pơlê kong kân Phnom Penh ƀă Vientiane.

Gương tơplôu ƀă tơbleăng