VOV4.Sêdang - Pơlê kong kân Hồ Chí Minh pêi pro ki klâi xuân athế pêi pro klêi tơdroăng púi vâ mơnhông mơdêk tơdâng ƀă mâu kơphô̆ tung kơpong Đông Nam Á. Mê cho tơdroăng ki mâu kăn tơkŭm tơpui a Hneăng hôp khoa hok  “Troăng hơlâ mơnhông mơdêk Pơlê kong kân Hồ Chí Minh rơxông hơnăm 2021-2030 ƀă ki hvái ngăn vâ pêi troh hơnăm 2045”, xua Vi ƀan pơlê kong kân tơkŭm po kơxo lơ 5/5.

Hneăng hôp hiăng ai lối 80 tơdroăng chêh tơpui ing mâu ngế rơkê, khu cheăng khoa hok, kăn pơkuâ mâu khu xiâm kơvâ cheăng, mâu ngế xiâm pơkuâ, mâu kong pơlê tung kơpong  cheăng kâ ki xiâm peăng Hdroh. Mâu tơdroăng chêh tối nhên, Pơlê kong kân Hồ Chí Minh pro xiâm tung tơdroăng pêi cheăng kâ, pro xiâm ki mơdêk pêi lo kế tơmeăm ăm kơpong cheăng kâ peăng hdroh ƀă tá tung lâp tơnêi têa.

Xua mê,  mơnhông pơlê kong kân cho xiâm ki mơdêk lâp kơpong, lâp tơnêi têa. Pơlê kong kân pơkâ mơnhông mơdêk tiô troăng hơlâ kơphô̆ rơkê plĕng krá tơniăn, kơphô̆ rơkê plĕng thế mơdêk rĕng hơ’leh kơxô̆, pêi pro mâu cheăng pơkuâ kơxô̆, pơlê pơla kơxô̆, mơdêk ki tơ-brê ‘na tê mơdró kâ.

Gương tơplôu ƀă tơbleăng