VOV4.Sêdang - Hâi leh Khu droh rơtăm rôh apoăng châ tơkŭm po tơ’mot lối 200 ngế đoân viên, droh rơtăm a Pơlê kong kân Hồ Chí Minh veăng hôp. Hâi leh pơxiâm po pơ’lăng a hâi leh tơbâ 90 hơnăm Hâi mơjiâng Đôan Droh rơtăm Kŏng sản Hồ Chí Minh (26/3/1931-26/3/2021). Ƀă tơdroăng: Rơxông nếo - tơdjêp ƀă tối mâu tơdroăng”, Hâi leh khu Droh rơtăm hơnăm 2021 xua khu pơkuâ ngăn Đoân Droh rơtăm Pơlê kong kân Hồ Chí Minh tơkŭm po vâ pro môi tơdroăng ki mâu droh rơtăm pơlê kong kân trâm mâ tơpui tơno, hnê tối ăm dêi rơpó ‘nâi mâu tơdroăng.

Po tung pơla 3 hâi (sap hâi lơ 26- 28/3) a Hngêi mơhno túa lĕm tro dêi mâu droh rơtăm, hâi leh mê ai hên tơdroăng pêi pro, mê cho: Mơđah tơbleăng um tơmeăm tơbâ 90 hơnăm Hâi mơjiâng Đoân; Mơđah tơbleăng um  ki pro mơhno oh tá tơdah ‘na pơlê kong kân Thủ Đức; Mơđah tơbleăng mâu um loăng pong rơgi tiô túa lĕm tơviah “Rơxế hơnăm ối nếo”; ƀă po hôp tơpui tơno mâu tơdroăng pơxá “Kuăn pơlê hơnăm ối nếo ƀă kơphô̆ rơkê plĕng”, “Droh rơtăm pơxiâm pêi cheăng” ƀă hên tơdroăng ki ê hía.

Gương tơplôu ƀă tơbleăng