VOV4.Sêdang - Khu pơkuâ hnê ngăn Đảng kong pơlê Gia Lai nếo ai rôh pêi cheăng ƀă Khu pơkuâ hnê ngăn Đảng pơlê kong kơdrâm Plei Ku ‘na tơdroăng pêi pro tiô hnoăng cheăng kal kí hơnăm 2020, tơbleăng tơdroăng cheăng pêi hơnăm 2021. Xông tơpui a hâi pêi cheăng, pôa Châu Ngọc Tuấn, Kăn phŏ pơkuâ hnê ngăn Đảng kong pơlê tối: pơlê kong kơdrâm Plei Ku hiăng pêi tro tơdroăng mơjiâng, ‘mâi hơ’leh pơkâ. Laga, tung pơla mơjiâng, pơlê kong kơdrâm kal thế tơtrŏng rak tơniăn tro tiô khoa hok, tơtro ƀă kơphô̆.

Kơphô̆ Plei Ku nôkố

Pơlê kong kơdrâm Plei Ku pơtối tăng liăn tơdrêng ƀă kong pơlê tơkŭm ‘no liăn mơjiâng pơlê kong kơdrâm tơxâng ƀă kơphô̆ túa má 1, pro xiâm vâ tơ’mot hên tâ nếo mâu khu ‘no liăn cheăng a kong pơlê. Kal ai pơkâ xĭng xoăng nhên vâ rĕng pêi, châ ai tiô pơkâ. Tung pơla pơkuâ, hnê mơhno, pơlê kong kơdrâm thế klâ krê ‘na tơdroăng pro tơbăng vâ tơniăn tiô pơkâ, tơbleăng mâu tơdroăng tơkêa pro ‘no liăn cheăng.

Gương tơplôu ƀă tơbleăng