Kơ’nâi lối 5 khế châ ‘nâi pơreăng tâ tú apoăng, riân troh hâi lơ 21/11, kơvâ ngăn pơkeăng kong pơlê Kon Tum hiăng châ ‘nâi a 3 tơring, Đăk Hà, Đăk Tô [ă Tu Mrong ai tro 6 tíu tâ tú pơreăng êi rơtốu krôk. Ôh tá xê to tâ tú a kơpong kuăn pơlê ối, mâu tíu tâ tú pơreăng pro êi rơtốu krôk ối châ hlo tâ tú a hngêi trung hnê kuăn ngo kâ koi ối pơtê tơring Đăk Tô.

Pơla tơdế khế 11 kố nah, 4 ngế hok tro a hngêi trung kố vâi djâ pơlât tơdrêng a Khoa Y học Nhiệt đới, Hngêi pơkeăng kân kong pơlê Kon Tum klêi séa ngăn mơheăm xuân hlo ai tâ tú pơreăng dương t^nh [ă vi khuân ki pro êi rơ-tốu krôk.

{ok thái pơkeăng A Nhôm, Ngế pơkuâ hngêi pơkeăng tơring Đăk Tô tối, klêi pơreăng pro êi rơtốu krôk tâ tú rơdêi a khế 10, kơvâ ngăn pơkeăng kong pơlê Kon Tum hiăng pêi pro hên tơdroăng vâ mơdât pơreăng tâ tú, la pơreăng êi rơtốu krôk a tơring kố xuân ối tâ tú rơ-iô ‘nâng:

‘’Tíu tâ tú pơreăng pro êi rơtốu krôk tâ tú re\ng khât. Tíu tâ tú apoăng cho a pơlê Tê Peng, cheăm Đăk Trăm. Klêi mê ôh tá to hlo tâ tú a cheăm Kon Đào. Ai 4 ngế ki tâ tú dương t^nh [ă pơreăng êi rơtốu krôk a cheăm Văn Lem, Pô Kô [ă mâu thôn ki ê dêi kuăn ngo  cho a Đăk Rao’’.

Tung pơla kơvâ ngăn pơkeăng kong pơlê Kon Tum hâi kâi pơlât prêi, pơreăng êi rơtốu krôk  tâ tú tung kuăn pơlê, mê a khoa Y học Nhiệt đới, Hngêi pơkeăng kân kong pơlê ai tối, tơdroăng pơlât ăm mâu ngế ki dế tâ tú pơreăng kố trâm hên xah pá. Tiô kơvâ ki kố tối, ai pơkâ 20 to xoăng koi pơlât la ki khât gá kơxo# mơngế koi pơlât a hngêi pơkeăng tâk luâ tơdế, thăm nếo luâ tâ 2 hdrôh hlối.

Xua kơxo# mơngế koi pơlât hên, xoăng koi pơlât ôh tá bê, tơdroăng vâ klâ ăm pơlât krê kơ mơngế ki châi êi rơtốu krôk ôh tá châ klâ ăm ối phá. Pak^ng mâu ngế ki pơlât xua êi rơtốu krôk bú châ pơlât ăm ôu to pơkeăng kháng sinh, pâk ‘mot sơrôm tê vâ mơdêk ivá kâi trâng mơdât pơreăng.

{ok thái pơkeăng Ngô Đây, Ngế pơkuâ Khoa Y học Nhiệt đới, Hngêi pơkeăng kân kong pơlê Kon Tum ăm ‘nâi, hngêi pơkeăng nôkố ôh tá ai túa pơkeăng ki xêt khât vâ pơlât ăm mơngế ki êi rơtốu krôk:

‘’Ki tro gá, thế ai pơkeăng mơdât pơreăng, cho pơkeăng ki má môi, ki xêt vâ pơlât êi rơtốu krôk. La a hngêi pơkeăng nôkố pơkeăng ki mê ôh tá ai, mê cho tơdroăng ki pro pá, cho môi tơdroăng ki pro pá  tung pơlât. Xúa SAD cho ôh tá ai pơkeăng ki lâi vâ teăng amê. Ngin bú pơlât ăm ôu pơkeăng khăng sinh, pâk ‘mot têa sơrôm vâ ăm ngế ki êi rơtốu krôk mê ai ivá kâi mơdât pơreăng. Pơlât mâu tơdroăng ki pơreăng pro ăm ‘nâi tơdroăng châi tê’’.

Klêi kong pơlê Kon Tum ai 3 ngế tâ tú pơreăng êi rơtốu krôk ki apoăng [ă hlâ a khế 5 nah, Khu ngăn pơkeăng pơlât kong pơlê hiăng pơtroh hlá mơ-éa ăm Khu xiâm ngăn pơkeăng pơlât.

Troh hâi lơ 11/10/2018, Khu xiâm rak ngăn ‘na pơkeăng nếo pơtroh hlá mơ-éa tiâ tối, hiăng pơcháu ăm Ko\ng ti vaccine pro pơkeăng Đức Minh ăm mơheăm ki ai trếo vâ mơdât trếo ‘mêi ki pro chiâng ai pơreăng êi rơtốu krôk ing kong têa ê [ă kơxo# pơkeăng ai 100 klo\ng, tung mê kong pơlê Kon Tum ai 40 klo\ng.

Tiô [ok thái pơkeăng Đào Duy Khánh, ngế pơkuâ ngăn Pơkeăng pơlât kong pơlê Kon Tum  tối, ai tâng tối mơheăm bông ki vâ mơdât trếo ‘mêi pro chiâng êi rơtốu krôk hiăng rôe ‘mot a Việt Nam, la ai hên tơdroăng ki ê, ki re\ng apoăng khế 12 kố ah kơvâ ngăn pơkeăng kong pơlê nếo ai mơheăm bông  pâk ‘mot pơlât ăm mâu ngế êi rơtốu krôk.

Tiah mê, [ă tơdroăng hâi kâi mơdât pơreăng pro êi rơtốu krôk tâ tú tung kuăn pơlê, hâi ai pơkeăng ki lâi xêt khât vâ pơlât ăm ngế ki tâ tú, tơkéa vâ tối cho tơdroăng ki hrá tơmâng pêi pro dêi kơvâ ngăn pơkeăng kong pơlê Kon Tum tung tơdroăng mơdât, pơlât túa pơreăng ki tơ’lêi pro hlá mơngế hên, [ă pơreăng kố kô pro chiâng châi rơ-iô ki ê nếo

Khoa Điềm  chêh

Gương tơplôu [ă tơbleăng