Má môi: Ôh tá  xếo ko\ng

Ôh tá xê to vâi ‘ne\ng mê tá mâu hiăng kân, hiăng krâ tâng ôh tá krúa, ôh tá xếo ko\ng rêm hâi xuân tơ’lêi tro pơreăng kơ-o, kơ-ôk xua virus, pơreăng pro. Tâng mâu vâi ‘ne\ng xah pơxôh plâ hâi a tơnêi, xah pêi mâu kuăn kiâ ki păn, lơ pêi mâu kế ki ‘mêi oh tá xếo ko\ng, klêi mê pê, chuôp kâ mâu kế kâ, râng kơ’lo têa ô kô tơ’lêi tro tơdroăng châi, malối a pơla rơnó pơreăng tâ tú, pơhla hyôh kong prâi hơ’lêh, kong dế tô ó kơdrâ chiâng mêi.

Xua mê, athế pơtâp ăm vâi ‘ne\ng hmâ xếo ko\ng klêi xah pơxôh, xah râng kế tơmeăm, klêi lăm nu\m, lăm pơyâng. Thế xếo ko\ng [ă kơ-[o\ng ki iâ tung pơla 20 yâi, xếo i hrâ pơla mâu hơ’ngrăng ko\ng, kơpeăng ko\ng, tung dế kơnêi. Klêi xếo [ă têa ki tro xo kên krúa xut, pôi tá tâm  dêi ko\ng tung têa la ôh tá vâ blâi hrâ.

Má péa: Ôh tá pâk  tu\m pơkeăng vaccine

Hên mâu vâi ‘ne\ng sap 6 khế tơngi klêng ôh tá pâk pơkeăng vaccine mê kô tơ’lêi tro tâ mâu pơreăng ki hmâ trâm. Maluâ ôh tá ai vaccine hbrâ mơdât tơngê hngíu tung châ la thế pâk tu\m mâu túa pơkeăng vaccin tro tiô tơdroăng khu xiâm ngăn pơkeăng hiăng pơkâ, kô kum vâi ‘ne\ng ai ivá kâi hbrâ mơdât hên mâu pơreăng ki hmâ trâm, tung mê ai pơreăng tơngê kơ-o, kơ-ôk, tơngê hngíu tung châ. 

Má pái: Kơ-o, kơchêi, ôh tá vâ kơdât dêi rơkong

Xua ối kuăn ôh tá hmâ [ă tơdroăng mê. Xua mê, mâu nôu pâ thế hnê ăm dêi kuăn ‘ne\ng drêng kơ-o, kơchêi thế kơdât dêi rơkong [ă kên, lơ  hlá mơ-éa ki xut, lơ ko\ng ếo kơdât dêi rơkong. Pak^ng mê, pôi tá ăm vâi ‘ne\ng ối achê mâu ngế ki dế tơngê kơ-o, kơ-ôk, malối mâu ki hmâ kơ-o, kơchêi. Drêng hiăng tro tơngê kơ-o, kơ-ôk, tâng râ, thế ăm vâi ‘ne\ng ối a hngêi pơtê, pôi tá ối achê tíu hên ngế.

Má pu\n: Pôe kơnêi ko\ng, pôi tá păm hơ’ngrăng ko\ng.

Hên mâu vâi ‘ne\ng hmâ tiah mê, la nôu pâ vâi ôh tá hnê tối, mê vâi khoh tơ’lêi tro châi klêa, tơngê kơ-o, kơ-ôk drêng hyôh kong prâi hơ’lêh rơnó. Xua mê, pak^ng rak vế túa ki hmâ xếo ko\ng, nôu pâ thế hnê dêi kuăn ‘ne\ng pôi tá kâ, pôi tá ‘vi dêi rơkong sap ing ối tơx^n, tâng hmôu pơ lôi môi tiah mê, oh ti vâ re\ng hnê tối, ton ah vâi chiâng hmâ.

Má pơtăm: Xúa tơchoâm tơmeăm [ă mâu ki ê.

Pôi tá ăm vâi ‘ne\ng xúa tơchoâm kế tơmeăm [ă mâu ngế ki ê, môi tiah: uâng, mo\ng kâ hmê, kên xut ngiâ, loăng xêa hơne\ng, tơmeăm xúa tung hriâm lơ mâu tơmeăm xúa ki ê. Vâ kơdroh pơreăng tâ tú, thế hnê vâi ‘ne\ng hmâ xúa phá xêh mâu tơmeăm xah hêi, cho tơdroăng ki vâ rak krúa mâu tơmeăm xah hêi mê. Malối ôh tá chiâng xah pơxôh tơmeăm mâu ngế ki ê tung pơla dế ai hên ngế tâ tú pơreăng tơngê kơ-o [ă hía hé.

Tâi tâng mâu tơdroăng mê maluâ gá tơdroăng ki ku\n, la tâng mơ-eăm kô rak mo le\m ăm ivá tơná, kal athế hnê tối vâi ‘ne\ng hmâ pro mâu tơdroăng hiăng tối mê âi sap ing ối tơx^n.

Gương tơplôu [ă tơbleăng