VOV4.Sêdang - Tơdroăng ăm ‘nâi ing Kŏng ti ngăn on tơhrik Dak Lak, tung mâu khế achê pơla kố, Khu xiâm rak ngăn kuăn pơlê dêi kŏng ti ngăn on tơhrrik kơpong Tơdế tơnêi têa hiăng tơmâng 9 rôh krếo phôn dêi mơngế ki xúa tối tơdroăng ki tơ liăn chĕn on tơhrrik ing mâu kơxô̆ phôn râng kŏng.

Pơtâng ăm ‘nâi mâu rôh krếo phôn hêak pơloi tối tơná khu ngăn on tơhrik

A kong pơlê Dak Lak, hiăng ai ngế krếo phôn pâ kơxô̆ liăn troh 50 rơtuh liăn, ƀă tối xua on tơhrrik tro tit klêi kong tơ, mơnhâu tối ôh tá vâ nâp liăn kô tơpâ, ôh tá mơ’no on tơhrik. Mơnhên, kố cho mâu rôh krếo hêak pơloi tê, vâi tối dêi tơná mâu ngế cheăng ngăn ‘na on tơhrik vâ hêak pơloi kuăn pơlê.

Kơvâ ngăn on tơhrik hnê tối ăm kuăn pơlê thế đi đo hbrâ rơnáu, ví mâu ki ‘mêi hêak pơloi. Tâng ai rôh krếo phôn pâ liăn, mâu ki xúa on tơhrik thế krếo tơdrêng hlối ăm Tổng đài 19001909 vâ teăm tơleăng mơnhên. Mâu ki xuá on tơhrik tơdah xo mâu tơdroăng hnê tối ing mâu ƀâng ki xiâm môi tiah SMS, email, website dêi khu ngăn on tơhrik , tổng đài 19001909; ƀă ôh tá ăm liăn on tơhrik kơ mơngế ki ê ƀă pôi tá pơtroh liăn drêng hâi ‘nâi nhên tơdroăng.

Gương tơplôu ƀă tơbleăng