VOV4.Sêdang - Việt Nam cho tơnêi têa châ hên tơdroăng ki rak tơdâng tơ’mô hnoăng rêh ối, pêi cheăng pơla vâi kơdrâi [ă vâi kơnốu, ối má 68 tung 166 to tơnêi têa ‘na kơlo kơxo# mơnhông pro tơdâng tơ’mô. Mâu ivá mơ-eăm dêi Việt Nam hiăng châ mâu kong têa tung kong têa ê tơmâng ngăn, mơnhên tối cho 1 tung 10 tơnêi têa pêi pro tro má môi tơdroăng pơkâ kơxo# 5 ‘na mơdêk pro tơdâng tơ’mô pơla kơdrâi [ă kơnốu [ă diâp hnoăng ăm tâi tâng vâi kơdrâi, vâi hdrêng cho kơdrâi tung mơdêk krá tơniăn dêi Khu lâp kong têa.

Khế pêi pro xua vâ rak tơdâng tơ’mô hnoăng rêh ối, pêi cheăng pơla vâi kơdrâi [ă vâi kơnốu hơnăm kố hiăng châ tơbleăng tung lâp tơnêi têa pơxá ‘’Pơtê tơdroăng ki xiăn pâm [ă mâu vâi kơdrâi [ă vâi hdrêng’’ môi hdroh nếo ăm hlo ivá kho\m mơ-eăm dêi Việt Nam tung rak vế vâi kơdrâi [ă vâi hdrêng cho kơdrâi tung pơlê pơla kố

Sap ing hên hơnăm kố, Đảng [ă tơnêi têa pin malối tơmâng troh tơdroăng ôh tá pơrah pơla kơdrâi [ă kơnốu, pro tơ’lêi ăm mâu kơdrâi châ veăng pêi mâu tơdroăng tung rêh ối, cheăng kâ, pơlê pơla. Ing mê, tah lôi ki kơtăn hơngế pơla kơdrâi [ă kơnốu, malối tung kơvâ pêi cheăng, tăng cheăng pêi, rak ngăn ivá, hnê hriâm. Tiu ki vâ tối tung pêi pro pôi tá pơrah pơla kơdrâi [ă kơnốu a Việt Nam nôkố cho tơdroăng pê klêi luât pơkâ, pro tơ’lêi hlâu ăm vâi kơdrâi châ pơtối veăng pêi hên tơdroăng tung rêh ối ‘na kal kí, cheăng kâ, mơhno túa le\m tro pơlê pơlâ.

Mê cho ‘na pơkâ vâi kơdrâi cheăng tung khu mơdró châ lối 27% hơnăm 2017, hên má môi a kơpong Đông Nam Á [ă ối má 7 tung kơxo# mâu kong têa ai hên khu mơdró cho vâi kơdrâi. Malối, tung Kuo#k ho#i hneăng nếo nôkố ai lôi 27% cho mâu kăn vâi kơdrâi, hên tâ 19% kơpong châu Á [ă 21% tâng vâ riân tung lâp plâi tơnêi.

Laga, tơdroăng tôu pâm vâi kơdrâi [ă vâi ‘ne\ng xuân ối cho môi tơdroăng pơloăng mơnúa kân a Việt Nam. Jâ Nguyễn Thị Hà, Kăn xiâm pho\ ngăn Mô đo#i rong [ă pơlê pơla tối, vâ hnê tối pôi tá pơrah pơla kơdrâi [ă kơnốu, tơdroăng pơkâ mâu luât pêi pro thế rơtế [ă hnoăng cheăng [ă ki mơ-eăm dêi mâu khu râ pơkuâ cheăng tơbleăng thế pêi. Pak^ng mê, thế tơmâng khât troh tơdroăng hnê tối ‘na ki rơkê, tơdroăng cheăng [ă pơtối rak vế tơdroăng ki hbrâ, mơ-eăm dêi mâu kơ koan chêh hlá tơbeăng tung hnê tối, tí tăng tơdroăng to\ng kum vâ tơbleăng tah lôi ki lơ tôu pâm ‘nêk mơ’nêa vâi kơdrâi [ă vâi ‘ne\ng.

Tơdroăng mâu kơ koan, khu tơru\m tung tơnêi têa [ă lâp plâi tơnêi ai hên tơdroăng cheăng, hên túa pêi pro tung khế pêi mâu tơdroăng hơnăm kố châ ngăn môi tiah tối nhên ăm tơdroăng tơhrâ rơtế tơchoâm ivá mơdât lôi tơdroăng tôu pâm ‘nêk mơ’nêa vâi kơdrâi [ă vâi ‘ne\ng a tơnêi têa pin. Khu vâi kơdrâi rêm râ hiăng tơbleăng hên túa ki ‘ló vâ hnê tối ‘na pêi pro tro  tơdroăng pôi tá pơrah pơla kơdrâi [ă kơnốu [ă mơdât tôu pâm dêi on veăng rơpo\ng hngêi a tung kuăn pơlê, môi tiah ‘’Nôu pâ hok tro hbrâ mơdât, tôu pâm ‘nêk mơ’nêa dêi kơdrâi kuăn tung rơpo\ng hngêi’’, ‘’ Mâu kơnốu thế djâ troăng ahdrối tung mơdât pôi tá tôu pâm ‘nêk mơ’nêa vâi kơdrâi [ă vâi ‘ne#ng’’… tơ’mot hên ngế kuăn pơlê veăng pêi pro.

Khu tơru\m cheăng Đoân droh rơtăm xuân veăng tơmâng khât. Ngoh Lê Quốc Phong, Kăn hnê ngăn má môi Tíu xiâm Đoân droh rơtăm ko\ng sản Hồ Chí Minh tối, Khu rơru\m cheăng Đoân, Khu droh rơtăm Việt Nam đi đo nhoăm tung tơdroăng veăng rak tơniăn oh tá pơrah pơla kơdrâi [ă kơnốu cho hnoăng cheăng ki kal. Tung mâu tơdroăng pêi dêi Đoân droh rơtăm, khu kố xuân pêi pro tro tơdroăng mơdêk hnê tối mơdêk hnoăng cheăng dêi vâi kơdrâi Đoân droh rơtăm, kơjo kum khu droh rơtăm a hên kơpong tung lâp tơnêi têa, malối cho mâu vâi ‘ne\ng o kơdrâi kơpong hngế hngo.

Pak^ng mê, thế tơru\m [ă mâu kơ koan khu tơru\m cheăng vâ mơdêk hlê ple\ng ‘na ôh tá pơrah pơla kơdrâi [ă kơnốu. Ngoh Lê Quốc Phong ăm ‘nâi:

‘’Ngin tơku\m hên rôh po hneăng hôp vâ ngin kô tối mâu tơdroăng tơche\ng tơmiât ki púi vâ, pro tíu ki tơdjêp troh vâ hnê tối mâu tơdroăng ki mê troh mâu kơ koan khu râ pơkuâ cheăng vâ mơjiâng mâu luât pơkâ vâ kơjo kum ăm mâu vâi o. Ngin xuân veăng pêi cheăng [ă Vi [an tơnêi têa ngăn ‘na vâi ‘ne\ng Việt Nam tung tơbleăng ăm tổng đài 111 [ă séa ngăn kơmăi khu tơku\m cheăng Đoân a mâu kong pơlê tơring cho môi tung mâu [âng ki châ ‘nâi re\ng teăm tâi tâng mâu tơdroăng ki tơdjâk troh pro pơlăm pơlối, ‘nêk mơ’nêa tôu pâm vâi ‘ne\ng’’.

{ă tơdroăng rêh ối nôkố, vâ pêi ai tiô pơkâ ‘na ôh tá pơrah pơla kơdrâi [ă kơnốu, jâ Nguyễn Thị Hà - Kăn xiâm pho\ ngăn Mô đo#i tro rong [ă rêh ối pơlê pơla tiah kố:

‘’Vâ ai tiô pơkâ ôh tá pơrah pơla kơdrâi [ă kơnốu, ki khât gá cho môi tơdroăng pêi pro ton hơnăm kal thế kơdôu mơ-eăm tâ nếo dêi tâi tâng khu cheăng kal kí [ă kuăn pơlê. Tung mê, tơdroăng pơkâ, mâu luât thế pêi pro tơdrêng [ă hnoăng cheăng [ă thế mơ-eăm khât dêi mâu kơ koan khu râ pơkuâ cheăng tung tơbleăng vâ luât mê châ pêi tung rêh ối.

Pak^ng mê, thế tơmâng khât troh hnoăng cheăng pêi, hbrâ rơnáu dêi mâu kơ koan chêh hlá tơbeăng tung hơ’leh tơdroăng hmâ pêi sap nah, mâu tơdroăng ki pơrah kơdrâi [ă tôu pâm ‘nêk mơ’nêa vâi kơdrâi [ă vâi ‘ne\ng. Ki kal tâ, tơná vâi kơdrâi [ă vâi ‘ne\ng thế tối ăm mâu ki ê vâ vâi to\ng kum veăng tơleăng mơnhên tơdroăng tôu pâm ‘nêk mơ’nêa, pro pơlăm pơlối’’.

Khế pêi pro mâu tơdroăng ôh tá pơrah kơdrâi lơ kơnốu [ă tơdroăng hbrâ mơdât ngăn a tơdroăng pơkâ hơnăm kố châ tơbleăng [ă ai pơxúa cho môi tơdroăng hnê tối râ tơnêi têa vâ mơdêk hlê ple\ng, mơhnhôk veăng pêi, tơdrêng dêi mâu kơ koan, khu tơru\m cheăng [ă rêm ngế  kuăn pơlê. Malối, mâu kơnốu thế cho mâu ki djâ troăng ahdrối tung hbrâ rơtế [ă kơ koan khu râ pơkuâ cheăng [ă kuăn pơlê tung tơdroăng hbrâ mơdât tơdroăng tôu pâm ‘nêk mơ’nêa vâi kơdrâi [ă vâi ‘ne\ng a kơpong kong ngo, kơpong kuăn ngo.

Gương tơplôu [ă tơbleăng