VOV4.Sêdang - Kơxo lơ 16/4, a tíu pêi cheăng Đảng kong pơlê Gia Lai, Khu pơkuâ Đảng ƀô̆ kong pơlê hneăng má XVI hiăng tơkŭm po hneăng hôp roh má 3 po rơdâ vâ mơnhên tơdroăng pêi pro hnoăng cheăng pái khế apoăng hơnăm, po rơdâ troăng pêi, hnoăng cheăng tung pái khế pơtối hơnăm 2021. Hneăng hôp roh kố ối tơkŭm tơpui ƀă kơxop mơ-éa Pơkâ dêi Khu pơkuâ cheăng Đảng kong pơlê ‘na ‘’Mơjiâng, mơdêk ki rơkê mâu kăn pêi cheăng cho kăn ƀô̆ kong pơlê Gia Lai ai hiâm mơno lĕm, tuăn ngôa pêi cheăng rơkê ƀă loi tơngah, rơkê pêi hnoăng cheăng”.

Kố cho tơdroăng ki xiâm má môi tung Pơkâ hneăng hôp mâu kăn Đảng ƀô̆ kong pơlê roh má XVI (hneăng hơnăm 2020 - 2025). Xông tơpui pơxiâm po hneăng hôp, pôa Hồ Văn Niên, Kăn pơkuâ hnê ngăn Đảng kong pơlê hiăng kheăn kơdeăn tơdroăng châ tơƀrê ƀă tơdrăng tối mâu tơdroăng ki tá hâi rơkê tơtro; pơkâ thế mâu kăn teăng mâ veăng hneăng hôp tơkŭm mơnhên, mơnhên xiâm kối dêi mâu tơdroăng ki ối tơvâ tơvân, tá hâi rơkê; tơdrêng amê, xo vế túa ki rơkê tơtro, pơkâ mâu troăng vâ tơleăng vâ po rơdâ pêi pro tơtro hnoăng cheăng tung pái khế pơtối hơnăm 2021, tơniăn pêi pro ƀlêi trâng hnoăng cheăng mơnhông cheăng kâ – rêh ối pơlê pơla hơnăm 2021.

Gương tơplôu ƀă tơbleăng