Rơpo\ng ai péa ngế nho\ng o, châ nôu pâ hâk vâ dêi sap ing ối ku\n, laga o Nguyễn Tôn Bảo Ngọc, hngêi ối kơxo# 27, troăng Hồ Tùng Mậu, pơlê kong kơdrâm Kontum ‘nâi xêh ‘na rak krúa dêi châ. Châ nôu pâ hnê mơhno, sap ing tơx^n Ngọc hiăng ‘nâi bâu ngiâ a kơxo má, hum a kơxê [a\ ki má lối hmâ xếo ko\ng [a\ kơ-[o\ng ahdrối vâ kâ hmê xuân môi tiah klêi kơ’nâi lăm mơdrah. Maluâ roh vêh a pơlê jâ peăng nôu kâ Têt kố nah, mê o ôh tá vâ râng loăng đuah drêng rơpo\ng jâ ôh tá ai kơ-[o\ng vâ xếo ko\ng. Nôu pâ o tối ăm ‘nâi, jâ xo kơ-[o\ng [o#t vâ xếo ko\ng, mê nếo vâ kâ hmê. Tơdroăng pro ăm kuăn ‘ne\ng hmâ xếo ko\ng [a\ kơ-[o\ng pơxúa hên ăm o Nguyễn Tôn Bảo Ngọc, ki hlo nhên o iâ tro tâ pơrea\ng. Tối ‘na tơdroăng ki hmâ pro dêi tơná, o Ngọc tối ăm ‘nâi:

‘’Ahdrối vâ kâ, klêi kơ’nâi lăm mơdrah drêng ko\ng ôh tá krúa le\m, mê á xếo ko\ng ăm i krúa le\m. Ôh tá la lâi piu’’.

Tiô mâu ngế hriăn cheăng ‘na khoa ho\k, rêm cm karê kéa mơngế ai chât rơpâu vi khuân kô pro chiâng pơrea\ng, tơku\m hên a kéa [a\ dâng 200 rơtuh pơrea\ng, tơku\m hên vi khuân xua kơpeăng ko\ng hmâ pêi, râng kế tơmeăm khoăng tung tơdroăng rêh ối. Kơpeăng ko\ng cho xiâm kối pro pơrea\ng châ mot tung châ. Xua mê, tơdroăng hmâ xếo ko\ng [a\ kơ-[o\ng vâ hbrâ ví pơrea\ng cho kal khât.

{a\ kho\m mơ-eăm rak vế mo le\m ivá pơlê pơla ing rak krúa châ chăn [a\ kong prâi, tung mâu hơnăm hiăng hluâ kơvâ ngăn pơkeăng [a\ khăm pơlât kong pơlê Kontum thăm pơtâng tối, hnê mơhno vâ rế hía rế ai hên mơngế kuăn pơlê xếo ko\ng [a\ kơ-[o\ng. Ki nhên khât ăm hlo mơhnhôk môi tuăn cho tung mâu hngêi trung. Cô yăo Bùi Thị Chí Linh, Cô pơkuâ hngêi trung râ má môi Phan Đình Phùng, pơlê kong kơdrâm Kontum tối ăm ‘nâi:

‘’Tung hơnăm hriâm hngêi trung pơrá tơmâng troh tơdroăng hnê hriâm ăm mâu vâi o rak mơgrúa châ chăn, ‘nâi hbrâ mơdât pơrea\ng tiô rơnó, ki rơhêng vâ tối tung tơdroăng xếo ko\ng tơtro. Tung rêm hơnăm hriâm hngêi trung pơrá tơku\m po hnê tơ’nôm ăm mâu vâi o túa xếo ko\ng [a\ kơ-[o\ng tiô 6 tơdroăng. Rêm măng t^ng a chôu koh hlá kơ xuân đi đo pơchân tối mâu vâi o ahdrối vâ kâ, klêi kơ’nâi lăm mơdrah xuân môi tiah drêng ko\ng ôh tá krúa le\m thế ‘nâi xếo ko\ng, hmâ xếo ko\ng [a\ kơ-[o\ng’’.

Hlê ple\ng tơdroăng xếo ko\ng đi đo [a\ kơ-[o\ng ga kô kơdê pơrea\ng,  kô kum kơdroh tro tâ pơrea\ng a troăng klêa [a\ mâu pơrea\ng ki troăng hiâm, pơtối châ thái cô đi đo pơchân tối, vâ chê 800 ngế hok tro hngêi trung râ má môi Phan Đình Phùng, pơlê kong kơdrâm Kontum pêi pro tơdroăng ki hmâ le\m tro. O Trần Võ Mạnh Tuấn, hok tro lâm 5D, tối ăm ‘nâi:

‘’A hngêi trung châ thái pơkeăng hnê mơhno ăm 6 tơdroăng xếo ko\ng tơtro. Apoăng cho pro kơchoh ko\ng [a\ têa ki krúa. Klêi mê bliu kơ-[o\ng tung lâp ko\ng vâ chiâng ai kơblôh. Mê ko\ng ki kố blâi, pơlếo ko\ng ki tá, pro tiah mê chía ton. Pơtối nếo, ko\ng ki kố blâi, pơlếo kơpêng ko\ng ki tá, drô hơvêa ‘ngrăng ko\ng [a\ pro tiah mê [a\ ko\ng ki pá tá. Pơtối mê, blâi tu\m péa pâ ko\ng. Klêi mê xếo ko\ng a têa ki krúa xúa mơ-éa lơ kên ki x^ng vâ xut ko\ng ăm i le\m’’.

Maluâ hiăng hlo sôk ro tung tơdroăng hnê xếo ko\ng [a\ kơ-[o\ng vâ hbrâ ví pơrea\ng, laga lăm ti tăng ple\ng a mâu kơpong pơlê, pơlê kong kơdrâm Kontum ăm hlo, má lối vâi krâ nho\ng o hdroâng kuăn ngo đi đo xếo ko\ng [a\ kơ-[o\ng iâ. Tiô pôa A Trớp, kăn pơkuâ hngêi pơkeăng cheăm Ngọc Bay, cheăm ki ai lối 5.500 pơ’leăng mâ mơngế [a\ 98% cho vâi krâ hdroâng kuăn ngo ăm ‘nâi, rơtế [a\ tơdroăng hlê ple\ng dêi vâi krâ pá vâ hơ’lêh, tơdroăng cheăng kâ pá puât xuân cho tơdroăng ki pro pá tung tơdroăng rêh ối vâ khoh châ mo dâi [a\ rơkê ple\ng:

‘’ ‘Na xếo ko\ng [a\ kơ-[o\ng ngin hiăng chu pơtâng tối a pơlê pơla xếo ko\ng [a\ kơ-[o\ng vâ hbrâ mơdât pơrea\ng the#n ko\ng chêng rơkong [a\ mâu pơrea\ng châi klêa. Pá vâ hlê ple\ng dêi kuăn pơlê Ngọc Bay, xua ôh tá hlê ple\ng, tá ai liăn rôe kơ-[o\ng. Xếo ko\ng ôh tá châ pơtối pro đi đo’’.

A Sa Ly tơplôu [a\ tơbleăng