VOV4.Sêdang - Khu pơkuâ Hô̆i đong hnê ngăn ƀă Vi ƀan hnê ngăn kong pole Gia Lai tơkŭm po hiăng pro klêi Hngêi tơbâ Hô̆i đong hnê ngăn kăch măng kong pơlê Gia Lai hneăng hơnăm 1968 – 1975 a pơlê Tăng Lăng, cheăm Krong, tơring Kƀang. Kơpong xối tơbâ ton nah kăch măng cho tíu ki kal tung rôh tơplâ kăch măng dêi kong pơlê Gia Lai hneăng hơnăm 1955 – 1975. Tíu kố, mâu kơ koan pơkuâ xiâm dêi kong pơlê hiăng ối pêi cheăng tung mâu khế hơnăm tơplâ xâ Mih tŏng xo tơnêi têa ki ó; tung mê, kơ koan dêi Hô̆i đong hnê ngăn kong pơlê kăch măng ƀă Vi ƀan kăch măng kong pơlê.

Hiăng pro klêi Hngêi tơbâ roh ton nah

Klêi lối 2 khế tơbleăng, hngêi tơbâ kố kô pro klêi klăng a rôh tơbâ 46 hơnăm Hâi tơleăng lĕm kong pơlê Gia Lai lơ 17/3. Hngêi tơbâ Hô̆i đong hnê ngăn kăch măng ƀă Vi ƀan hnê ngăn kăch măng kong pơlê Gia Lai châ pro tung plông tơnêi ki rơdâ lối 1 ha, ƀă tâi tang kơxô̆ liăn ‘no vâ chê 2 rơtal liăn, cho kơxô̆ liăn sap ing tơdroăng ki veăng mơhnhôk tơlo dêi mâu khu tơrŭm, khu mơdró kâ.

Nga tơplôu ƀă tơbleăng