VOV4.Sêdang - Tơdroăng tơkêa bro tơbleăng kal kí a Hneăng hôp Đảng roh má XIII tối nhên: Pro hơ’leh ‘na cheăng kâ chiâng troăng pêi tơtêk châ tơ-[rê ing xúa mâu tơdroăng mơ’no cheăng, ki rơkê khoa hok kơmăi kơmok [a\ hơ’leh rơkê [a\ hía hé hiăng mơhno tơdroăng pói tơngah djâ tơnêi têa mơnhông mơdêk to râ ki nếo. Vâ pêi pro tơdroăng kố pin thế ai mâu tơdroăng hơ’leh tung mâu troăng tơmiât, troăng pêi, hơ’leh nếo ‘na khu tơru\m cheăng [a\ kăn [o#.

Ngế ki rơkê ngăn ‘na cheăng kâ, Tie#n sih Trần Du Lịch tối tiah kố: Tơdroăng pro hơ’leh nếo ‘na cheăng kâ ing tơdroăng xúa pêi tơ-[rê mâu ngế, tơdroăng cheăng, pêi rơkê ’na khoa hok xúa kơmăi kơmok [ă hơ’leh nếo hiăng châ Hneăng hôp Đảng [o# roh má 11 pơkâ tung mơnhông cheăng kâ pơla hơnăm 2011 - 2020. A hneăng hôp kân Đảng roh má 11,  troăng hơlâ mê châ mơhno ing mâu tơdroăng tí tăng ‘nâi ple\ng troăng hơlâ mơnhông mơdêk tơchoâm dêi rơxông; mơnhên hnoăng cheăng pêi dêi khoa hok kơmăi kơmok tung mơnhông cheăng kâ, la tung mê ai xúa ko\ng nge# kơxo# cho ki xiâm vâ pro xiâm mơnhông mơdêk tơ-[rê ‘na ivá cheăng kâ.

Tiô Tie#n sih Trần Du Lịch, vâ pêi tơdroăng kố, pin thế hơ’leh tuăn tơmiât ‘na mơnhông mơdêk:

‘’Ngin pơtih cho tơdroăng tơmiât ‘na rak ngăn. Mê cho pro ti lâi vâ pro tơ’lêi hlâu vâ hriăn ple\ng hên tơdroăng ki nếo tâ. Rak ngăn dêi Tơnêi têa cho kum hriăn ple\ng mơdêk ki tơ-[rê ôh tá xê pro pá. Lơ kum mâu khu mơdró krâ ki hơ’leh nếo kơmăi kơmok [ă tơdroăng hơ’leh kơxo# pro tơ’lêi hlâu vâ xúa mâu tơdroăng k^ tơhrâ tê mơdró tơniăn tiô rơxông nếo ing mâu luât pơkâ to\ng kum’’.

Vâ hơ’leh nếo, pơtối rak vế ki hriăn ple\ng tơdroăng ki nếo, Ngế rơkê ‘na liăn ngân Nguyễn Xuân Biểu tối tiah kố, troăng hơlâ dêi Đảng, Chin phuh thế pro ti lâi vâ mơjiâng pêt mâu nhâ loăng vâ pơtối ăm tơmeăm dêi kuăn pơlê, khu mơdró. Nhâ loăng kong ki pêt mê thế tơ-[rê, pêi tơdrăng, ví tơdroăng tung pơkâ pêi pro tro tiô luât, rêm kơ koan xiâm ai môi tơdroăng pêi tơ-ê dêi rơpó.

Ing mê, pro xiâm vâ khu mơdró, kuăn pơlê hmiân tuăn pêi cheăng. Nhâ loăng kong pơkâ rôh vâ hriâm tâp [ă ôh tá pơrah. Ôh tá pơrah akố cho mơhno ‘na troăng hơlâ pơkâ, ‘na mung liăn vâ hriăn pêi tơdroăng ki nếo, mơ’nui châ xúa ki hriăn ple\ng nếo mê kô kơnôm ngah a tơdroăng cheăng pêi lo dêi tơrêm khu mơdró [ă ôh tá ai ki pơrah ngăn dêi rơpó môi tiah. 

’’Đảng pơkuâ, tơku\m châ mơngế ki rơkê mot akố. Ing troăng hơlâ dế prôk mê chin phuh thế pơkâ nhên [ă pêi mơjiâng mâu nhâ loăng ki rêm ngế khu cheăng kâ, rêm ngế kuăn pơlê kô ai rôh mơhno tơná, vâ  hriăn ple\ng ki nếo tung pêt nhâ loăng mơjiâng kuăn kiâ mê. Drêng mơjiâng pro tíu pêi cheăng, ing khu mơdró Tơnêi têa troh mơngế pêi cheăng ki ku\m mơhno tuăn tơmiât dêi vâi, mê hlo tơniăn má môi ‘na luât [ă tơnêi têa kố kô mơnhông mơdêk tê’’.

‘Na hriăn ple\ng mê kuăn pơlê [ă khu mơdró ai hên chôu tơniăn tâ, mê tơdroăng po hneăng hôp kân Đảng roh má 13 pơtối mơhno ki mơnhông cheăng kâ krê dêi kuăn pơlê [ă cho tơdroăng mơnhông cheăng kâ cho tro khât. Tiô pôa Huỳnh Văn Minh - Kăn xiâm pho\ hnê ngăn khu mơdró pơlê kong kân Hồ Chí Minh, péa xiâm ‘na cheăng kâ dêi pin cho Khu mơdró tung tơnêi têa [ă khu mơdró FDI, tung mê, khu mơdró tung tơnêi têa ki hên cho mâu khu mơdró krê dêi kuăn pơlê. Xua mê vâ mơnhông mơdêk mâu khu cheăng kâ mê kal thế hơ’leh nếo luât pơkâ:

‘’A tơmiât tiah kố cho luât pơkâ thế hơ’leh nếo, thế tơtro, pro tơ’lêi hlâu ăm mâu khu ki cheăng kâ ku\n [ă krâ kơvâ, malối pin ki ku\n tâ nếo, klêi mê cheăng kâ pơxiâm pêi cheăng mê pin thế tơmâng khât troh mâu khu ki mê tá tuăn hiâm [ă tơmeăm khoăng. Tơkéa vâ tối pak^ng veăng kum ko\ng mơhno pêi rơkong hlối hnê, hlối rơtế [ă khu mơdró [ă kuăn pơlê. Thế tơmâng khât mê nếo ai ivá pê lo tơmeăm ki nếo’’.

Tu\m tơdroăng pêi châ tơ-[rê lơ ôh mê kuăn pơlê cho ki xiâm pơkâ. Tơdroăng ‘na kuăn mơngế pơtối châ tối nhên tung mâu hlá mơ-éa chêh dêi hneăng hôp kân Đảng rôh má 13. Ngế kăn [o# mê ai tu\m tá ‘’hiâm mơno le\m’’ [ă ‘’tuăn ngôa hlối rơkê’’. Pôa Nguyễn Hữu Châu, Ngế cheăng tung Ho#i đong hnê tối ‘na mơhno túa le\m tro, rêh ối pơlê pơla dêi tíu xiâm Măt tra#n Tơnêi têa Việt Nam tối tiah kố, vâ pêi pro tro tiô tơdroăng púi vâ mơnhông tơnêi têa mê thế mơjiâng, păn roăng mâu kăn [o# ai púi vâ hơ’leh nếo, ki ai tuăn  tơmiât vâ hơ’leh nếo:

‘’{ă tuăn tơmiât pin vâ mơnhông cheăng kâ rơtế xông [ă khu kăn [o# mê kal thế ai hiâm mơno le\m ‘nôi, la thế môi tuăn [ă troăng hơlâ troăng hơlâ Mác-Lênin, tuăn mơno tiô tơdjâ Hồ Chí Minh [ă xah ho#i chuh ngiah, ‘na hơ’leh nếo hriăn ple\ng ki nếo. Pơkâ tuăn vâ tơdroăng ‘na kal kí tơdâng [ă hiâm mơno le\m. Môi ngế kăn [o# kal thế tung tơdroăng rêh ối cheăng kâ nôkố thế ngăn kuăn pơlê cho xiâm, thế achê [ă kuăn pơlê’’.

Mơdêk hơ’leh nếo hriăn ple\ng ki nếo, pơcháu xúa cheăng [ă kơmăi [ă mơnhông mơdêk tiô khoa hok kơmăi kơmok; mơjiâng [ă mơnhông pơtối rak vế ki kơnía git ‘na mơhno túa le\m tro, ivá rơdêi dế kuăn mơngế Việt Nam, tung mê hiâm tuăn kuăn mơngế cho ki xiâm pơkâ hriăn ple\ng, hơ’leh nếo. Kố cho môi tung mâu ngế ki kal vâ pro xiâm vâ djâ tơnêi têa pin mơnhông tơ-[rê nếo tung Rơxông cheăng hơ’leh nếo [ă kơmăi kơmok rơxông 4.0.

VOV

Gương tơplôu [ă tơbleăng