Êng: Hâi khế pơkâ ăm phêp chiâng xúa pơkeăng gá môi tiah lâi, ô [ok thái pơkeăng?

Ngế hriăn ‘nâi pơkeăng Nguyễn Đình Diệm: Hâi khế pơkâ ối chiâng xúa dêi pơkeăng cho hâi khế hiăng pơkâ a môi khu pơkeăng hluâ pơkâ mê pơkeăng ôh tá chiâng ăm xúa xếo. Hên ngế hmâ ‘măn pơkeăng tung hngêi môi pơla hiăng ton klêi mê ối xo ôu, ôh tá vâ hmâng hâi khế ki xúa, tơdroăng kô pro tơdjâk troh ivá châ chăn.

Tiô kơ rêm pơkeăng mê ki tơdjâk ‘mêi kô phá tơ-ê drêng ôu pơkeăng hiăng hluâ hâi khế pơkâ ăm xúa. Ahdrối, mơngế châi ôh tá prêi le\m mê pro thăm rế râ tâ [a\ hía lôi roh ki tơ’lêi vâ pơlât drêng pơrea\ng tá hâi râ. Thăm nếo mâu ngế châi kô hlâ tâng mâu pơkeăng mê cho pơkeăng ki vâ pơlât prêi. Rơ-iô tâ mê nếo, pơkeăng hiăng tâi hâi khế ăm xúa kô chiâng mơjiâng trếo ki ‘mêi ăm châ chăn.

Êng: Thái pơkeăng hôm chiâng ăm ‘nâi nhên tâ ki rơ-iô dêi rêm khu pơkeăng kố tâng gá hiăng hluâ hâi khế pơkâ ăm xúa?

Ngế hriăn ‘nâi pơkeăng Nguyễn Đình Diệm: {a\ mâu pơkeăng xúa pik a kéa lơ pơkeăng kơdroh tơngê mê ki rơ-iô gá ôh tá bê râ, laga [a\ mâu pơkeăng ki pơlât vâ prêi hlối, môi tiah pơlât châi plâi nuih, kơtêi kơtâu têi, nu\m nheăn, pơkeăng pơlât kơ-o hiăn, pơkeăng têa pơlât mâ mê kô tơdjâk ‘mêi ó.

Pơtih [a\ mâu ngế kơtêi kơtâu têi, nu\m nheăn mê mâu ngế châi kal xúa rêm hâi. Tâng pơkeăng hiăng tâi hâi khế ăm phêp chiâng xúa, mê pơkeăng mê ôh tá xêt xếo [a\ kô pro chiâng hlâ mơngế.

{a\ mâu pơkeăng hbrâ mơdât pơrea\ng kal ôu tu\m [a\ tro hâi khế pơkâ thế ôu. Tâng mâu pơkeăng kố hiăng tâi hâi khế ăm phêp xúa mê kô ôh tá xêt xếo, pro tơdjâk ‘mêi troh châ chăn, ki rơhêng vâ tối kô pro pơrea\ng kâi trâng [a\ pơkeăng.

Êng: Ô thái pơkeăng! Drêng rak ‘măn pơkeăng pơlât tung hngêi mê kal tơtro\ng mâu tơdroăng klâi vâ tơniăn [a\ ki xêt dêi pơkeăng?

Ngế hriăn ‘nâi pơkeăng Nguyễn Đình Diệm: Vâ xúa pơkeăng tơniăn, pơkeăng ối xêt pơlât prêi mê drêng ôu, kuăn pơlê kal tơtro\ng mâu tơdroăng kơ’nâi kố:

Thế ôu pơkeăng tiô hnê mơhno dêi [ok thái pơkeăng, thái pơkeăng, ki rơhêng vâ tối [a\ khu pơkeăng ki ôh tá êa chêh mơ-éa.

Drêng lăm rôe pơkeăng kal séa ngăn nhên hâi khế xúa dêi pơkeăng.

Tâng ai kơthung ‘măn pơkeăng tung rơpo\ng mê kal pêi pro séa ngăn rêm hneăng, hvât tah lôi mâu pơkeăng hiăng tâi hâi khế chiâng xúa. Mâu pơkeăng ki têa, klêi kơ’nâi hiăng lôe kơlâp, mơhé hâi khế xúa ối ai laga ôh tá chiâng xúa hluâ 15 hâi.

{a\ mâu pơkeăng têa pơlât mâ [a\ mâu pơkeăng môi tiah siro klêi kơ’nâi lôe kơlâp ôh tá chiâng xúa hluâ 1 khế. Tung tơdroăng rak ‘măn pơkeăng kal pêi pro tiô pơkâ in a tơdrong pơkeăng. Pơtih rak ‘măn pơkeăng a tíu ki phuâng le\m, ôh tá ai ki trâ mâ hâi. Ôh tá lôi a mâu tíu ai hyôh tô ó môi tiah tung kơthung rơxế lơ mâu tíu hngiâm kơchoh môi tiah hngêi hum, hngêi pế pơchên kơchâi.

Drêng tá hâi kal vâ xúa mê pôi tá lôe kơlâp pơkeăng vâ ví tơdroăng pơkeăng tro tơdjâk xúa hyôh pakong.

{a\ mâu pơkeăng ai pơkâ rak le\m môi tiah insulin mê kal rak tro hyôh tô hngiú tiô chư chêh a tơdrong. Pơtih rak ‘măn a tíu hyôh tô hngiú sap ing 5 – 8 đo# C lơ a kơtuh hngiú vâ tơniăn tơdroăng xúa pơkeăng châ tơ-[rê.

Êng: Mơnê kô [ok thái pơkeăng

Rah chêh: Mai Lê – Quang Nhật

Gương prế A Sa Ly tơplôu [a\ tơbleăng