VOV4.Sêdang - Kơxo lơ 17/5, a Hngêi Kuô̆k hô̆i, ing pơkuâ dêi pôa Trần Thanh Mẫn, Kăn xiâm hnê ngăn ki ai mâ đi đo dêi Kuô̆k hô̆i, Kăn xiâm phŏ hnê ngăn Hô̆i đong tâ phĭu tơnêi têa, Kăn pơkuâ mơngế pêi cheăng, Khu hnê mơhno cheăng dêi Hô̆i đong tâ phĭu Tơnêi têa tơkŭm po roh hôp vâ tơmâng ƀă tối ‘na tơdroăng pêi cheăng dêi Khu pơkuâ mơngế pêi cheăng, Hô̆i đông tâ phĭu tơnêi têa sap ing mơjiâng troh nôkố.

Xông tơpui a roh hôp, pôa Trần Thanh Mẫn tối ăm ‘nâi, mâu tơdroăng hbrâ ăm hâi tâ phĭu hiăng ƀă dế châ tơkŭm pêi pro tro tiô pơkâ pêi, pơkâ mơ’no. Hâi lơ 18/5, Hô̆i đong tâ phĭu tơnêi têa kô tơkŭm po Hneăng hôp mơ’no tơdrêng tung um tơvi lâp tơnêi têa. Pôa Trần Thanh Mẫn tối nhên, kố cho roh hôp má 2 dêi Khu pơkuâ mơngế pêi cheăng, roh hôp kô tơkŭm po tơpui tơno tung mâu tơdroăng ki kal tung la ngiâ.

A Sa Ly tơplôu ƀă tơbleăng