Hlo klêi kơ’nâi po hneăng Hôp mâu kăn xiâm rôh má 12 nếo klêi, kuăn mâu ngế tro hơnăm tâ ph^u [ă kuăn pơlê khe\n kơdeăn khât hneăng hôp [ă tối tiah kố, hneăng hôp hiăng séa ngăn, pơkâ troăng hơlâ tơdroăng cheăng ‘na tăng mơngế cheăng tung Khu kăn xiâm hneăng 13, kố cho tơdroăng ki tiô pôa Nguyễn Phú Trọng, Kăn xiâm pơkuâ hnê ngăn Đảng tối cho tơdroăng cheăng pêi ai pơxúa kal khât la ga pá, ôh tá ‘nâi tối, tơvâ tơvân, tơdroăng hbrâ rơhí rơhó.

Pôa Lưu Văn An, kuăn pơlê ối a pơlê krâm Cầu Giấy, Hà Nội ăm ‘nâi:

‘’Vâ rah xo mâu ngế ai hiâm mơno le\m hlối rơkê mot cheăng tung Khu kăn xiâm mê a tơmiât tiah kố pin thế tăng ngăn nhên rah tro mơngế, pơkâ hdró, tung mê thế ngăn a mâu tíu pêi cheăng, kơnôm a mâ ngăn tuăn tâng dêi kuăn pơlê. Vâ pro ti mê thế tơbâ tơdroăng pâ nhoăm tơnêi têa tung rêm ngế kuăn pơlê.

Pak^ng mê mơhnhôk pêi pro tung kuăn pơlê. Pin thế tơmâng xo, tơmâng ing kuăn pơlê tối. Bú ai to kuăn pơlê malối cho khu tơru\m cheăng Đảng ‘nâi nhên mơngế đảng viên mê cho mơngế ki ti lâi? Mê cho tơdroăng ki vâ pin rah xo, tối tro ivá cheăng [ă ’na hiâm mơno, tuăn ngôa hôm rơkê dêi tơrêm ngế kăn bô#’’.

Tối ‘na tơdroăng loi khât kơ kăn pơkuâ hnê mơhno kơtăng dêi Đảng, Tơnêi têa tung tơdroăng mơjiâng, ‘mâi hơ’leh cheăng Đảng, pro ăm rơdêi [ă tu\m tung tơdroăng cheăng kal kí, mơdêk séa ngăn hnoăng pơkuâ, malối tung tơdroăng cheăng kăn [o#, tơplâ mơdât kâ kơluâ, mơ’nhiê liăn ngân.

Pôa Bùi Quang Giang kuăn pơlê dêi pơlê kong kơdrâm Hải Dương, kong pơlê Hải Dương tối:

‘’{ă tơdroăng ‘mâi hơ’leh Đảng tơmâng khât má môi cho mâu ngế ki pơkuâ xiâm, Tơkéa vâ tối cho mâu ngế kăn [o# ki pơkuâ djâ troăng ahdrối hriâm tiô Pôa. Ngin tô tuăn má môi cho hriâm tiô Đảng hriâm tiô hiâm mơno le\m ki nôkố Đảng dế pêi pro ‘na tơdroăng tơplâ mơdât kâ kơluâ, pro ăm mâu kăn [o# đi đo djâ troăng ahdrối [ă ngin môi tuăn tiô troăng hơlâ plâ mơdât kâ kơluâ. Ki kal má môi mơdêk pêi pro tơdroăng hbrâ mơdât kâ kơluâ vâ mâu kăn [o# ai hiâm mơno le\m, rêh ối le\m vâ kuăn pơlê loi nhoăm’’.

Tơdroăng hbrâ mơdât pơreăng Covid-19 xuân châ hên kuăn pơlê khe\n kơdeăn ai kăn xiâm pơkuâ hnê ngăn Đảng, tơdroăng cheăng pơkuâ hnê djâ dêi Chin phuh hiăng ai hên troăng hơlâ pêi tơniăn tung rêh ối dêi kuăn pơlê [ă teăm pơkâ luât to\ng kum troh mâu khu mơdró [ă kuăn pơlê ki tro tơdjâk xua pơreăng tâ tú.

Malối, drêng kơxo# liăn to\ng kum ăm 62 rơpâu rơtal liăn dêi Chin phuh rôh apoăng châ tơbleăng re\ng troh [ă teăm tơdrêng. Pôa Nguyễn Trọng Khu, kuăn pơlê ki ối a cheăm Nhân Thịnh, tơring Lý Nhân, Hà Nam tối tiah kố:

‘’Tung rôh tâ tú pơreăng Covid-19, Đảng, Tơnêi têa hnê djâ tơ-[rê tâ ‘na tơdroăng cheăng, kơmăi kơmok. Tâng ôh tá rơkê, ki tơ-[rê tâ, luât pơkâ mê mơni hdroâng mơngế Việt Nam kô tơdjâk kân troh tơdroăng ki pá xía vâ ôh tá ‘nâi hdrối.  Sap ing apoăng Đảng, Tơnêi têa, mâu lêng ko\ng an [ă mâu lêng xiâm kring vế kuăn pơlê plâ mơdât pơreăng Covid-19. ‘Na á, á mơnê ‘nâng, a 3 khế châ 1 rơtuh 500 rơpâu, tơ’nôm ăm á mâu tung pơla ‘no hrê kơdroh ki xahpá la ngiâ’’.

Ai tơdroăng tơmâng khât troh mâu tơdroăng cheăng pơklât thế pêi pro tung mơjiâng tơmeăm khoăng ki ối che\n hâi mơjiâng klêi a mâu cheăm dêi thôn pơlê nếo, pôa Nguyễn Nam Phương, kuăn pơlê ối a pơlê kong kơdrâm Bà Rịa - Vũng Tàu, kong pơlê Bà Rịa - Vũng Tàu tối:

‘’ ‘Na tơdroăng mơjiâng thôn pơlê nếo, ai hên kơpong thôn pơlê a kong pơlê, tơring cheăm pơkâ kơpong kuăn pơlê ối. Tâng kơpong kuăn pơlê ối tro pơkâ hdró vâ pro troăng prôk, mâu tơmeăm khoăng ki xúa tơchoâm. Kơxo# liăn ‘no vâ mơjiâng pro kơpong kuăn pơlê ối gá hên. Xua mê râ, mâu kong pơlê, tơring, cheăm vâ tăng khu mơdró. Pâ Chin phuh séa ngăn, tơ’nôm luât pơlâ tung Luât ‘na hngêi ối, vâ ăm khu mơdró ‘no liăn mơjiâng pro a mâu kơpong tung thôn’’.

Cho kơ koan tơdah xo tơdroăng veăng hnê khe\n, púi vâ dêi kuăn pơlê, pôa Ngô Sách Thực, Kăn pho\ hnê ngăn Vi [an xiâm Măt tra#n tơnêi têa Việt Nam ăm ‘nâi: mâu tơdroăng mê hiăng châ kuăn pơlê [ă Vi [an xiâm Măt tra#n tơnêi têa Việt Nam veăng tối ing hên rôh hôp Kuo#k ho#i la troh nôkố xuân hâi châ mâu kăn [o#, kơvâ cheăng tơleăng mơnhên.

Ki rơhêng vâ tối  môi tiah: ki tơ-[rê tung khăm, pơlât a râ cheăm; ối hên mâu tơdroăng tơvâ tơvân tung tơdroăng rak ngăn ‘na tơnêi tơníu; ‘na tơdroăng plâ mơdât mâu ki pro xôi, malối cho mâu ngế ai xôi kơdê mơngế, pro pơlăm pơlối vâi ‘ne\ng, ai xôi ‘na ma tu\i; ‘na tăng troăng kơdroh tơklâm rơxế, troăng hơlâ kơdroh hâ ho troăng prôk, ki pro ‘mêi hyôh kong prâi a mâu pơlê kơpho# kân, pơlê kong kân. Tối ‘na tơdroăng kố, pôa Ngô Sách Thực, tối:

‘’Ti lâi xuân ối? mơni drêng hnê mơhno roh hdrối nah tơku\m a mâu tơdroăng mê, drêng kố kơdroh la hlo hên a tung kong pơlê, tơring ki ê. Xua ti mê, á pâ Măt tra#n tơnêi têa, hnoăng pêi pro dêi kơ koan tơleăng mơnhên kal ai pơkâ troăng hơlâ pêi tâi tâng. Mê cho tơdroăng mơnhên hnoăng cheăng dêi mơngế ki pơkuâ tung kong pơlê ki ai tơdroăng xía vâ mê’’.

Hlo ki pá tơvâ tơvân tung mơdât pơreăng Covid-19 tung lâp plâi tơnêi, tơdroăng Kuo#k ho#i pơkâ hôp mơ’no tơdrêng tung um tơvi châ hên kuăn pơlê khe\n kơdeăn cho môi hvêa prôk ki kal dêi Kuo#k ho#i tung tơdroăng mơdêk xúa kơmăi kơmok tung pêi cheăng vâ troh hneăng hôp Kuo#k ho#i đie#n tưh vâ re\ng ‘mâi hơ’leh túa pro hlá mơ-éa kô chiâng séa ngăn, pơkâ teăm tơdrêng mâu tơdroăng ki kal xua ing tơdroăng pơkâ.

Ing mê, pơtối mơdêk ivá cheăng dêi mâu kăn Kuo#k ho#i tung tơdroăng veăng hnê tối [ă re\ng tối tơbleăng mâu tơdroăng tơmiât, púi vâ ki tro tơxâng dêi kuăn pơlê ăm rôh hôp Kuo#k ho#i.

Lại Hoa chêh

Gương tơplôu [ă tơbleăng