VOV4.Sêdang - Kơxê măng lơ 1/4, a Hà Nội, Ƀơrô cheăng Kuô̆k hô̆i tơkŭm po rôh hôp mơgêi hneăng cheăng dêi Kuô̆k hô̆i hneăng má 14 dêi Khu kăn Kuô̆k hô̆i tơrŭm Việt Nam – Rusi, pôa Phan Xuân Dũng, kăn pơkuâ Vi ƀan Khoa hok, Kong ngê̆ ƀă kong prâi dêi Kuô̆k hô̆i tối ăm ‘nâi, tung tơdroăng cheăng dêi Kuô̆k hô̆i hneăng má 14, rơtế ƀă mâu tơdroăng cheăng ki tơpui kâ dêi Đảng, Tơnêi têa, tơdroăng cheăng dêi Khu kăn Kuô̆k hô̆i tơrŭm tơroâ Việt Nam – Rusi xuân hiăng veăng kum ôh tá iâ tung tơdroăng ki mơdêk tơrŭm cheăng lĕm tro pơla péa pâ tơnêi têa, mơdêk hnoăng cheăng dêi troăng tơpui kâ Kuô̆k hô̆i tối tơdjuôm ƀă Khu kăn kuô̆k hô̆i tơrŭm tối krê.

Kăn teăng mâ pơkuâ tâi tâng Rusi a Việt Nam xuân tối nhên, tơdroăng cheăng dêi Khu kăn Kuô̆k hô̆i tơrŭm Việt Nam – Rusi tung pơla hdrối kố nah hiăng veăng kum kơhnâ, mơdêk tơrŭm cheăng pơla Việt Nam ƀă Rusi tung mâu kơvâ cheăng ki phá tơ-ê dêi rơpó.

Nga tơplôu ƀă tơbleăng