Cho ngế ki apoăng hiăng châ hlo on chếo kâ, pôa Lê Anh Tuấn, ngế ki ối a kios má 28, hngêi kơchơ bêng Trà Bá, pơlê kong kơdrâm Plei Ku tối ăm ‘nâi, dâng 23 chôu 20 phut hâi lơ 30/7, hdrối vâ koi pơtê, pôa kơdrâ hlo ai on chếo kâ a kios kơxo# 23. Tơdrêng mê, pôa kơbông krếo thế rêm ngế veăng lo tơpâ on. Maluâ ti mê, tơdroăng hbrâ tơpâ mơdât on a bêng ki kố ối ai hên drăng tíu ki tá hâi tơtro, ôh tá teăm tơpâ on tơdrêng, on ối chếo kâ kân têi drêng khu tơpâ mơdât on dêi kan sat kong pơlê Gia Lai troh akố:

‘’Á hiăng kơbông krếo nho\ng o veăng tơpâ mơdât, á tơkê mơdêi-on chếo on chếo-hlo ai mâu vâi ngoh ki kơtâu troh amê la ôh tá ai têa, ai klo\ng hyôh ki vâ tơpâ on. Á ai râ kơ-[in hyôh ki tơpâ on, la bu ku\n ôh tá tơxâng vâ pro ki klâi. Drêng lăm ngăn a klo\ng mơ’no hyôh tơpâ on ki krâ ’măn a hngêi kơchơ, ôh tá ai xếo. Khu tơmeăm ki vâ tơpâ on a kơpong kơchơ ki kố ti ai kế ki klâi. Drêng khu lêng tơpâ on hiăng troh akố vâ tơpâ on, kuăn pơlê tơngah xêh ‘nâng, la troh mơ’nui xuân ôh tá ai teăm pêi pro ki klâi rơhéa’’.

Hngêi kơchơ Trà Bá ối tung dế pơlê kong kơdrâm Plei Ku, tíu ki tê mơdró kơdrâm mơngế

Lo têa mâ xua 2 to kios tê chêng kho\ng yep hiăng tro on chếo kâ tâi, jâ Nguyễn Thị Hương hêng hôu tối, xua tơdroăng ki tơbriât tơnêi tíu, tơbriât tê mơdró a hang lơng k^ng troăng dêi hngêi kơchơ Trà Bá mê ga lối hên ngế pêi pro hmâng to vâ ‘nâng, pro ăm khu lêng tơpâ on pá vâ khoh châ mot tung tíu ki dế tro on chếo kâ. Kố xuân cho ki xiâm khoh pro on re\ng châ chếo kâ kân tung hngêi kơchơ:

‘’Kế tơmeăm tơ’nhê tiah kố mê ngế ki lâi xuân tô heăng ‘nâng. Chôu phut kố, á pâ thế Vi [an hnê ngăn bêng Trà Bá kal pơkâ troăng hơlâ ki nếo, ôh tá ăm kuăn pơlê tơbriât tơnêi tíu, hang lơng k^ng troăng vâ mơdró, mơdât tơdroăng tê mơdró kế tơmeăm hên h^n, tung tíu kân rơdâ, ôh tá lôi tiah kố xếo, vâ pôi tá ai tơdroăng ki xía vâ’’.

Roh kơchơ ki tro chếo dâng 23 chôu 20 phut hâi lơ 30/7

Pôa Tạ Văn Dũng, môi ngế mơdró a kios dêi hngêi kơchơ Trà Bá tối ăm ‘nâi, tơdroăng ki tơbriât troăng hơlâ a kơpong hngêi kơchơ, cho ki xiâm chiâng ai tơdjâk, pro kơchơ kố chiâng tơ’lêi tro on chếo kâ, pá vâ châ tơpâ mơdât. Mâu khu mơdró hiăng hên hdroh ai rơkong tơpui tối ‘na tơdroăng kố la Khu hnê mơhno pơkuâ ngăn kơchơ [ă khu kăn bêng xuân tá hâi teăm ai troăng hơlâ ki vâ mơdât.

Pôa Đoàn Ngọc Thanh, Kăn pơkuâ hngêi kơchơ Trà Bá, pơlê kong kơdrâm Plei Ku tối ăm ‘nâi, tung hngêi kơchơ mê ai 206 to kios ki tê mơdró kế tơmeăm. Pôa mơnhên tối, xuân ối ai hên mâu tơdroăng ki tá hâi teăm tơtro tung hbrâ tơpâ mơdât on, ki rơhêng vâ tối, tơdroăng ki tơbriât hang lơng k^ng troăng prôk tung hngêi kơchơ hlo hiăng to lâi hơnăm kố, la xuân tá hâi ai tơdroăng tơleăng mơnhên:

‘’Ngin hiăng mơjiâng tơdroăng pơkâ vâ mơhnhôk khu ngăn ‘na tê mơdró kâ pêi pro tro tiô pơkâ hiăng k^ tơkêa [ă Vi [an hnê ngăn bêng, cho rế vâ rak tơniăn ăm tơdroăng hbrâ tơpâ mơdât on chếo kâ, xuân cho rế vâ ăm rơxế tơpâ on châ kơtâu mot tơ’lêi hlâu. La ki xiâm dêi tơdroăng kố, xua to lâi hâi pơla hdrối kố nah kong mêi kân ‘nâng, mê, ngin ai xôi há xua tá hâi teăm châ pêi pro’’.

5 to kios tro on chếo kâ, mâu tíu kios ki ê xuân hiăng tro on chếo kâ iâ há

Jâ Nguyễn Thị Ái Nguyên, Kăn hnê ngăn Vi [an bêng Trà Bá tối ăm ‘nâi, bêng dế ai pơkâ chêh tối tu\m mâu kế tơmeăm ki tro on chếo kâ mê. Ing mê, tối tơbleăng ăm Vi [an hnê ngăn pơlê kong kơdrâm Plei Ku vâ ai troăng hơlâ ki vâ to\ng kum mâu ngế ki trâm xahpá, teăm kum tơdrêng vâ mâu khu mơdró kâ pơtối vêh cheăng kâ nếo. ‘Na mâu tơdroăng ki ôh tá ai tơtro tung hbrâ tơpâ mơdât on mê a hngêi kơchơ Trà Bá, jâ Nguyên ai tối, pơla hdrối mê hía nah jâ xuân hiăng ai pơkâ đi đo tơdroăng rak vế ngăn a hngêi kơchơ ki kố:

‘’Peăng bêng hiăng đi đo hnê mơhno ăm mâu khu râ, kơvâ cheăng, khu pơkuâ ngăn hngêi kơchơ, klêi mê, troh a khu pơkuâ ngăn tôh kơpho# đi đo hnê thế kuăn pơlê châ hơngế ing troăng vâ ăm troăng i bâ phuâng. La tơdroăng kố ối trâm pá ó ‘nâng, xua hiâm mơno dêi kuăn pơlê, drêng nếo thế kuăn pơlê tah dêi kế tơmeăm, vâi hmôu pơ ối mơ’no dêi kế tơmeăm a tíu kố nếo vâ mơdró’’.

Hneăng ki chếo hngêi kơchơ Trà Bá, pơlê kong kơdrâm Plei Ku hiăng chếo kâ tâi tâng 5 to kios, 2 to kios ki ê xuân hiăng tro on chếo kâ iâ. Mâu kios ki kố ki hên vâi tê mâu chêng kho\ng, yep, hmân ếo, mâu hlá mơ-éa [ă kế tơmeăm ki ê. Tung kơmăng ki mê, vâi nếo teăm tơpâ tâi tâng. Dế nôkố, mâu khu râ, kơvâ cheăng dêi kong pơlê Gia Lai [ă pơlê kong kơdrâm Plei Ku dế tơru\m cheăng vâ séa mơnhên ngăn ki xiâm dêi tơdroăng ki khoh tro on chếo kâ.

{ai mơhriâm ki châi heăng mê a hngêi kơchơ Trà Bá kal athế mâu hngêi kơchơ, tíu xiâm tê mơdró, mâu khu râ a Tây Nguyên re\ng ‘mâi rơnêu, vâ kơdroh tơdroăng ki tro on chếo kâ tiah mê.

Công Bắc chêh

Nhat Lisa tơplôu [ă tơbleăng