.VOV4.Sêdang - Pôa Nguyễn Thanh Long, ngế xiâm ngăn pơkeăng ƀă khăm pơlât nếo tơbleăng ‘na mâu tơdroăng ki kal ai tơdjâk troh hnoăng cheăng hbrâ, mơdât pơreăng COVID-19, malối cho a péa to kong pơlê Bắc Giang, Bắc Ninh; tơdrêng amê hnối pơkâ thế mâu khu râ, kơvâ cheăng, malối cho mâu kong pơlê, kal pơtối mơdêk tơdroăng ki kơchăng, pôi tá tơngôu, pơtối mơhnhôk tâi tâng khu kăn pơkuâ tơdroăng kal kí ƀă kuăn pơlê veăng tung hnoăng cheăng hbrâ mơdât pơreăng.

Pôa Nguyễn Thanh Long, ngế xiâm ngăn pơkeăng ƀă khăm pơlât tơnêi têa

Tiô pôa Nguyễn Thanh Long, rôh pơreăng COVID-19 tâ tú rôh má 4 kố hlo ôh tá tơniăn tâ, mơni kô ton tâ mâu rôh ki tâ tú hdrối nah, tâ tú a hên kong pơlê ƀă hên tíu tâ tú, hên tíu ki ai pơreăng tung rơtế môi roh, rơtế tâ tú dêi hên túa ki nếo ƀă mơni kô tâ tú rĕng tâ, rơdâ tâ, rơdêi tâ.

Pôa Nguyễn Thanh Long pơkâ thế, tung la ngiâ ah mâu khu râ, kơvâ cheăng, malối cho mâu kong pơlê kal mơdêk tơdroăng ki hbrâ kơchăng, pôi tá tơngôu, pơtối mơhnhôk tâi tâng khu pơkuâ tơdroăng kal kí ƀă kuăn pơlê veăng tung hnoăng cheăng hbrâ mơdât pơreăng.

Katarina Nga tơplôu ƀă tơbleăng