VOV4.Sêdang - Kơxo 4/6,  tơdah xo kơxô̆ liăn veăng kum 300 rơtuh liăn ing mâu kăn ƀô̆, kŏng chưk, viên chưk ƀă mơngế pêi cheăng dêi Rơ’jiu xiâm Việt Nam, pôa Đỗ Văn Chiến, Kăn xiâm hnê ngăn Vi ƀan xiâm Măt trâ̆n tơnêi têa Việt Nam khĕn kơdeăn tơdroăng hnê tối tơbleăng dêi Rơ’jiu Việt Nam tung tơdroăng hbrâ mơdât pơreăng COVID-19, kum kuăn pơlê tung lâp tơnêi têa ‘nâi plĕng ‘na pơreăng ƀă pêi pro tro tơdroăng hnê mơhno dêi Khu xiâm ngăn pơkeăng pơlât.

Pơcháu kơxô̆ liăn 300 rơtuh liăn ki veăng tơlo ăm Vi ƀan xiâm Măt trâ̆n tơnêi têa Việt Nam, pôa Vũ Hải Quang, Ngế xiâm phŏ pơkuâ Rơ’jiu xiâm Việt Nam ăm ‘nâi rêm ngế kăn ƀô̆, kŏng chưk, mâu ngế chêh hlá tơbeăng, mâu ngế rah chêh mâu tơdroăng, mâu ngê̆ sih dêi Rơ’jiu Việt Nam veăng kum kơxô̆ liăn 300 rơtuh rơtế ƀă tơdroăng púi vâ veăng tơlo tơ’nôm liăn tơmeăm khoăng vâ rơtế ƀă Đảng , Tơnêi têa, Chin phuh mơdât pơreăng tâ tú tung kuăn pơlê.

Pôa Đỗ Văn Chiến, Kăn xiâm hnê ngăn Vi ƀan xiâm Măt trâ̆n tơnêi têa Việt Nam  tơhrâ kô tơbleăng, tơdrăng, xúa tro tơdroăng, tro pơkâ, tro luât mâu kơxô̆ liăn veăng tơlo vâ rôe vaccine COVID-19.

Gương tơplôu ƀă tơbleăng