VOV4.Sêdang - Kơxo lơ 15/4, Khu râ kăn pêi cheăng dêi Vi ƀan tâ phĭu tơnêi têa xua Thươ̆ng tươ̆ng Võ Trọng Việt, Kăn pơkuâ Vi ƀan cheăng lêng gâk kring, Phŏ pơkuâ Tiêuh ƀan ai mâ đi đo Tiêuh ƀan gak kring ƀă Khăm pơlât pơkuâ xiâm hiăng ai roh pêi cheăng ƀă Vi ƀan tâ phĭu kong pơlê Dak Lak ‘na tơniăn kring vế ƀă khăm pơlât tung roh tâ phĭu a kong pơlê.

Dak Lak hôp 'na tơdroăng tâ phĭu

‘Na tơdroăng rak tơniăn gak kring, tơniăn pơlê pơla ƀă khăm pơlât mê hiăng tơniăn, tá hâi châ hlo tơdroăng ki pá ƀă tơ’lêi mơnhâu troh gak kring, rak tơniăn ‘na tâ phĭu. A roh pêi cheăng, thươ̆ng tươ̆ng Võ Trọng Việt kheăn kơdeăn tơdroăng rak tơniăn kring vế ƀă khăm pơlât ăm roh tâ phĭu dêi kong pơlê Dak Lak, tơdrêng amê, pơchân kong pơlê kal tơmâng hên tâ mê nếo troh thăm séa ngăn kơpong tíu tơkăng kong vâ vi kơdrâ môi xôh.

A Sa Ly tơplôu ƀă tơbleăng