VOV4.Sêdang - Tung mâu hâi phiu ro vâ troh hâi leh kân dêi tơnêi têa, kuăn pơlê tung lâp tơnêi têa kô râng hlá phĭu vâ rah xo ngế ki teăng mâ ăm tơná Kuô̆k hô̆i ƀă Hô̆i đong hnê ngăn rêm râ, pôa Vương Đình Huệ, Kăn xiâm hnê ngăn Kuô̆k hô̆i,  kăn xiâm hnê ngăn Hô̆i đong tâ phĭu tơnêi têa hiăng tiâ khu chêh hlá tơbeăng kơ êng.

Kăn xiâm hnê ngăn Kuô̆k hô̆i tối púi vâ, kuăn pơlê tung lâp tơnêi têa tí tăng ngăn vâ hlê plĕng nhên ‘na tơrêm ngế ki lo tơbriât pro kăn, thế rơkê rah xo tro mơngế ki teăng mâ ăm tơná cho thế ngế ki rơkê, tơxâng khât, veăng ‘no hnoăng mơnhông tơ-ƀrê tơdroăng cheăng dêi mâu kơ koan ki kuăn pơlê rah xo, mơjiâng tơnêi têa Việt Nam khên tơnôu, pê klêi mâu tơdroăng cheăng tro tiô pơkâ ki kal ki Đảng pin hiăng tối a tơdroăng Pơkâ Hneăng hôp mâu kăn tung lâp tơnêi têa roh má 13.

Pôa Vương Đình Huệ, Kăn xiâm hnê ngăn Kuô̆k hô̆i tối, hâi lơ 23/5/2021 cho môi hâi leh kân dêi tơnêi têa pin, hâi kuăn pơlê tung lâp tơnêi têa pêi pro hnoăng tơná ki xiâm, râng hlá phĭu rah xo mâu ngế kăn ki tơxâng ăm dêi tơná. Tơdroăng kuăn pơlê rah xo cho tơdroăng pơkâ dêi mơngế ki lo tơbriât pro kăn vâ chiâng ngế kăn Kuô̆k hô̆i, kăn Hô̆i đong rêm râ, mâu ngế ki pơkâ tơ-ƀrê tơdroăng cheăng dêi mâu kơ koan ki kuăn pơlê rah xo.

Gương tơplôu ƀă tơbleăng