VOV4.Sêdang - Pêi pro tiô tơdroăng hnê mơhno dêi Ngế pro xiâm hnê ngăn Chin phuh, Ƀơrô Chin phuh nếo pơtroh hlá mơ-éa kơxô̆ ‘na séa ngăn vâi hdrêng kuăn tê  xua pơreăng COVID-19 ƀă tối troăng rơhlâ pêi tung la ngiâ vâ pôi tá ai vâi hdrêng ki lâi ôh tá châ tơmâng, thế châ tơmâng tŏng kum kring vế tâi tâng. Kơthô pơtroh ăm Khu xiâm ngăn Cheăng pêi mô đô̆i rong ƀă rêh ối pơlê pơla, tối nhên: Rôh pơreăng COVID-19 tâ tú má 4 a Việt Nam ki pro chiâng pơreăng Delta tâ tú rĕng tâ, rơ-iô tâ hiăng tơdjâk ó troh ivá kuăn pơlê, malối mâu rơpŏng kuăn pơlê pro hrĭng ngế vâi hdrêng trâm pá chiâng kuăn tê, oh tá ai ngế hơ-ui pâ, tơmâng rak ngăn dêi rơpŏng hngêi ƀă nhŏng o xiâm tơná.

Ƀơrô Chin phuh pâ thế Khu xiâm ngăn cheăng pêi Mô đô̆i rong ƀă rêh ối Pơlê pơla tơrŭm ƀă mâu kong pơlê, tơring, cheăm séa ngăn tăng riân kơxô̆ vâi hdrêng kuăn tê (ôh tá ai nôu lơ pâ, lơ ôh tá ai tŭm tá nôu pâ” xua pơreăng COVID-19 ƀă pơkâ pêi pro tung la ngiâ vâ pôi tá ai mâu ngế kuăn tê ki lâi oh tá châ rak ngăn kring vế, thế châ rak ngăn tŏng kum kring vế tâi tâng, ton tá ah, tơtro, kum tro má môi ăm vâi hdrêng kuăn tê xua pơreăng COVID-19.

Gương tơplôu ƀă tơbleăng