VOV4.Sêdang - Kơxê lơ 19/3, pôa Phùng Quốc Hiển, Kăn xiâm phŏ hnê ngăn Kuô̆k hô̆i, Kăn cheăng tung Hô̆i đông tâ phĭu tơnêi têa rơtế khu râ kăn pêi cheăng hiăng pêi cheăng ƀă kong pơlê Quảng Trị ‘na tơdroăng tâ phĭu rah xo kăn teăng mâ Kuô̆k hô̆i hneăng má XV ƀă kăn teăng mâ Hô̆i đông kuăn pơlê mâu râ hneăng hơnăm 2021 – 2026. Troh nôkố, Viƀan kong pơlê Quảng Trị hiăng mơjiâng 2 Khu tâ phĭu rah xo Kăn Kuô̆k hô̆i hneăng má 15 ƀă 16 Khu tâ phĭu rah xo kăn teăng mâ Hô̆i đông kong pơlê hneăng hơnăm 2021 – 2026; mơjiâng 74 khu tâ phĭu rah xo kăn teăng mâ Hô̆i đông tơring ƀă 834 khu tâ phĭu rah xo kăn teăng mâ Hô̆i đông râ cheăm. Tơdroăng tơpui tơno rah xo kăn, tơbleăng mâu kăn pêi pro tro tiô pơkâ, tro tơdroăng ki rah xo ƀă tơniăn pơkâ dêi luât. Troh nốkố, Viƀan Mât trâ̆n Tơnêi têa Việt Nam kong pơlê Quảng Trị hiăng kêi đeăng hneăng hôp tơpui tơno rah xo kăn roh má 2 môi tuăn inâi 9 ngế kăn teăng mâ Kuô̆k hô̆i hneăng má XV a kong pơlê, 90 ngế tơbriêt to pro kăn Hô̆i đông kong pơlê hneăng má XIII, hneăng hơnăm 2021 – 2026. Pôa Phùng Quốc Hiển  pơkâ thế kong pơlê Quảng Trị mơjiâng châ inâi mâu kăn tơbriêt to pro kăn tơniăn rơlối. Mơjiâng tơdroăng tơkêa bro teăm tởdêng tơleăng mâu tơdroăng ki pá puât kô tơ’lêi trâm môi tiah kong prâi pro ôh tá tơniăn, pơreăng Covid 19 ƀă hía hé, sap ing kố troh hâi tâ phĭu rah xo kăn.

Sa Ly tơplôu ƀă tơbleăng