VOV4.Xơ Đăng - Tiô pơkâ kơtiê hên troăng pơla hơnăm 2021-2025 a Pơkâ kơxô̆ 07 dêi Chin phuh, kơlo ki pơkâ kơtiê dêi kơpong thôn tâk sap ing 700 rơpâu troh 1 rơtuh 500 rơpâu liăn môi khế, ing mê, kơlo Tơnêi têa kum nâp liăn Ƀaoh hiêm ki vâ nâp xêh ƀă kơlo nâp Ƀaoh hiêm pơlê pơla ki vâ xêh ki iâ hơnăm 2022 xuân tâk tiô há. Tiô pơkâ dêi Luât Ƀaoh hiêm pơlê pơla, kơlo nâp liăn ƀaoh hiêm pơlê pơla ki vâ nâp xeh rêm khế tơ’mô ƀă 22% kơlo châ xo tơ’mot liăn rêm khế xua mơngế ki veăng nâp ƀaoh hiêm vâ xêh mê rah xo.

Tiah mê, ing hâi lơ 1/1/2022, kơlo nâp ƀaoh hiêm liăn pơlê pơla ki vâ nâp xêh ki iâ gá 330 rơpâu liăn môi khế. Tâk 176 rơpâu liăn môi khế tâng vâ pơchông ƀă kơlo nâp ƀaoh hiêm ki vâ xêh dêi hơnăm 2021. Pakĭng mê, kơlo tŏng kum kuăn pơlê nâp dêi Tơnêi têa ƀă mơngế ki veăng nâp ƀaoh hiêm pơlê pơla ki vâ nâp xêh xuân tâk. Ing mê, ƀă mâu ngế veăng nâp cho mâu  rơpŏng kơtiê, kơxô̆ liăn kum mâu rơpŏng vâ chê kơtiê tâk ing 38 rơpâu 500 liăn troh 82 rơpâu 500 liăn tung môi khế. Mâu ngế ki ê ai kơxô̆ liăn tŏng kum tâk ing 15 rơpâu 400 liăn tâk 33 rơpâu liăn môi khế.

 Gương tơplôu ƀă tơbleăng