VOV4.Sedang - Ƀă tơdroăng hbrâ nhên, xua mê mơhé ai hên pơlê hơngế, troăng prôk ‘mêi ‘mâk, tơdroăng tâ phĭu a mâu kong pơlê kơpong Tây Nguyên xuân tơkŭm po phiu ro dêi hâi phiu ro kân. Tá a kơpong klâ kơtăn xua pơreăng COVID 19, tíu mơdât ôh tá ăm mot xua ai ngế tro tâ pơreăng, kuăn pơlê xuân phiu ro pêi pro hnoăng ƀă hnoăng kuăn pơlê tơná.

Kuăn pơlê Tây Nguyên ƀă hâi tâ phĭu

Ngế tâ phĭu Nguyễn Ngọc Liên, ối a kơpong mơdât ôh tá ăm mot xua ai pơreăng COVID 19 bêng Tân Thành, pơlê kong kơdrâm Ƀuôn Ma Thuột, kong pơlê Dak Lak, tối:

“Mơhé ối tung kơpong klâ kơtăn, laga ngin xuân phiu ro, châ lăm pêi đeăng hnoăng cheăng dêi tơná. Ngin xuân pơchuât ngăn nhên vâ rah xo mâu kăn teăng mâ ai hiâm mơno lĕm, tuăn ngôa pêi cheăng rơkê’’.

Xêo troh 11 chôu kơhâi dế, lơ 23/5, tơdroăng tâ phĭu a Tây Nguyên tơkŭm po tơniăn tơ’lêi hlâu. Hên kong pơlê a Tây Nguyên hiăng mơnhên kuăn pơlê lăm tâ phĭu cho hên, môi tiah Lâm Đồng, ai 5/12 tơring, pơlê kong kơdrâm châ lối 80% kuăn pơlê tâ phĭu. Cát Tiên, tơring hơngế hơngo má môi châ lối 90%. A Dak Lak, tơring Čư Kuin ai 100% kuăn pơlê lăm tâ phĭu.

A Sa Ly tơplôu ƀă tơbleăng