VOV4.Sêdang - Pŭn to kong pơlê kơpong Tây Nguyên cho Gia Lai, Kon Tum Dak Lak ƀă Dak Nông dế tơbleăng pêi roh má 2 tơdroăng pâk vaccine   hbrâ mơdât êi rơtốu krôk, kơxô̆ mơngế pâk nếo châ lối 80% rôh má môi ƀă lối 50% pâk rôh má 2, ối iâ tâ tâng vâ pơchông ƀă tơdroăng pơkâ. Tiô Tiú xiâm séa ngăn ƀă mơdât pơreăng Tây Nguyên nếo tơbleăng pâk vaccine  mơdât êi rơtốu krôk a roh má 2 ƀă kơxô̆ mơngế pâk roh má môi châ lối 84%, rôh má 2 nếo châ lối 50%.

Gia Lai cho kong pơlê ki ai ngế pâk vaccine hrá má môi nếo bú 72% pâk rôh má môi ƀă 5% pâk rôh má 2. Tung pơla mê, tâng tro tiô pơkâ, mâu kong pơlê thế pâk vaccine mơdât êi rơtốu krôk pơla rôh má 3. Tiú xiâm seá ngăn pơreăng Tây Nguyên tối tiah kố, tơdroăng hrá pâk cho xua ing hên tơdroăng, mê cho mâu tơring, cheăm hâi tơmâng khât tung tơdroăng hnê tối, mơhnhôk hnê, pro mâu kuăn pơlê ôh tá hmâng, ôh tá xâu, oh tá vâ hmâ, ôh tá môi tuăn ƀă tơdroăng pơkâ thế pâk vaccine; mâu ki ‘nâ lăm pêi cheăng hơngế mê chiâng iâ mơngế ki pâk, pâk lối hrá.

Gương tơplôu ƀă tơbleăng