VOV4.Sêdang - Ô vâi krâ nho\ng o [ă pú hmâ! Tiah mê, rôh tơ’noăng râ má pái phôh tho\ng tơnêi têa ki apoăng hiăng mơgêi tung tơdroăng ki tơniăn le#m. Rôh tơ’noăng râ má pái phôh tho\ng tơnêi têa [ă tơ’noăng rah xo mot hriâm đăi hok, kao đăng dêi mâu hơnăm hdrối. Xua mê, mâu hok tro kô ‘nâi dêi tơdroăng ki plah lơ ôh vâ mot đăi hok, kao đăng [ă plah tơ’noăng râ má pái phôh tho\ng sap ing rôh tơ’noăng kố. A kơpong Tây Nguyên, tơ-[rê dêi tơdroăng hơ’lêh nếo hiăng pơxiâm châ mơhno tối a môi rôh tơ’noăng tơniăn le#m, kơtăng khât, châ mâu hok tro [ă mâu ngế ki ê mơnhên tối khât. Ngế chêh hla tơbeăng cheăng tung Rơ’jiu Việt Nam a Tây Nguyên ai chêh tối ‘na tơdroăng mê.

Hơnăm kố, 5 to kong pơlê a kơpong Tây Nguyên ai lối 63 rơpâu ngế hok tro veăng tơ’noăng mơgêi râ má 3, klêi hriâm lâm 12 dêi trung hok phôh tho\ng tơnêi têa. Tung mê, tơku\m kơdrâm hên má môi cho a kong pơlê Dak Lak ai vâ chê 28 rơpâu ngế hok tro, klêi mê, troh a kơpong tơ’noăng dêi pơlê kong kơdrâm Pleiku, kong pơlê Gia Lai [ă pơlê kong kơdrâm Đà Lạt, kong pơlê Lâm Đồng pơrá a kơlo 17 rơpâu ngế hok tro tơ’noăng, ki u ối cho a mâu kong pơlê Kon Tum [ă Dak Nông, hok tro tơ’noăng vâ ai điêm, séa ngăn vâ mơnhên mơgêi râ má 3.

Tung pola mê, a mâu kơpong ki ối a tơdế [ă kơpong peăng kơnho\ng tơnêi têa, mâu hok tro athế trâm pá xua kong tô sap 39 troh 40 đo# C, a Tây Nguyên, hyôh kong prâi hơngui le\m, tơ’lêi ăm hok tro tung prôk lăm [ă bro [ai. Ki hên, mâu hok tro tơ’noăng pơrá bro [ai re\ng kêi, [ă hiâm mơno sôk phiô [ă hiăng bro tro [ai tơ’noăng xua oh pá eâ tơ’noăng a hneăng pơtối, xua rế pá puât, rế mơhrê liăn ngân prôk lăm môi tiah mâu vâi ngoh nâ tơná tung mâu hơnăm hdrối mê hía nah. Hok tro Đỗ Thị Nương, ối a cheăm Ea Hồ, tơring Krông Năng, kong pơlê Dak Lak tối ăm ‘nâi: Apoăng tơ’noăng á xuân chía préa iâ há, la drêng troh chôu tơ’noăng hlo ko [ai tơ’noăng chía hlâu. Ga tơxâng [ă ivá hriâm a roh po hneăng tơ’noăng mơgêi râ má 3 [ă séa ngăn điêm vâ ăm mot đăi hok. Á xuân hlo, tơ’noăng tơchuôm môi tiah kố ga tơ’lêi, rế chía hlâu iâ ăm tơdroăng tơ’noăng rế ôh tá hrê liăn ngân prôk lăm.

Tung pơla hdrối tung rôh tơ’noăng, mâu hnoăng cheăng dêi kăn pơkuâ, kơvâ hnê hriâm [ă mâu khu râ vâ kum ăm mâu hok tro [ă mâu nôu pâ ki chiân dêi kuăn ‘ne\ng lăm tơ’noăng châ kum ngăn hên tơdroăng ‘nâng. Pôa Trần Xuân Hiếu djâ dêi kuăn lăm tơ’noăng a hngêi trung phôh tho\ng hdroâng kuăn ngo ai tíu kâ koi ối pơtê dêi kong pơlê Kon Tum, tối: Mâu vâi muăn tơku\m troh akố vâ tơ’noăng a Hngêi trung ai tíu kâ koi ối pơtê, tối tơchuôm nôu pâ xuân hiăng tơngah [ă xuân hmiân tuăn. Kơxê hâi lơ 29 mâu vâi muăn hiăng châ hngêi trung djâ vâi muăn troh a Hngêi trung ai tíu kâ koi ối pơtê vâ tơniăn tíu kâ, tíu ối.

Pôa Nguyễn Như Tài, môi ngế ki djâ dêi kuăn lăm tơ’noăng a pơlê kong kơdrâm Đà Lạt, kong pơlê Lâm Đồng tối ăm ‘nâi: Khu kăn pơkuâ, mâu râ, kơvâ cheăng, tâi tâng khu ngăn ‘na tơdroăng cheăng ki kum ‘na mâu hok tro tơ’noăng kơhnâ păng ‘nâng, kum sap ing tíu koi ối pơtê troh a mâu sinh viên ki ngăn xuân kơhnâ khât, to\ng kum ăm mâu vâi kuăn muăn ngin krâu păng ‘nâng.

Tiô tơdroăng ăm ‘nâi ing khu hnê mơhno dêi rêm kơpong tơ’noăng, hneăng tơ’noăng râ má 3 phôh tho\ng tơnêi têa roh má 1 hiăng châ po tơniăn le\m. Kơxo# hok tro ki tơ’noăng châ sap ing 95% troh a 99% tâng vâ pơchông ngăn [ă kơxo# mâu ngế ki chêh bro hồ sơ. Tie#n sih Huỳnh Thanh Hùng-kăn hnê mơhno kơpong tơ’noăng kơxo# 29 a kong pơlê Gia lai tối ăm ‘nâi, apoăng dêi hâi ki tơ’noăng, ngin hlo mâu hok tro tơ’noăng tơdrăng, kăn [o# ngăn tơ’noăng xuân kơhnâ khât, mâu nôu pâ ki chiân djâ dêi kuăn ‘ne\ng xuân rak tro luât, mê pro khu tơku\m po hneăng tơ’noăng hmiân tuăn. Tie#n sih Nguyễn Tấn Vui, Kăn pơkuâ ngăn Hngêi trung Đăi hok Tây Nguyên tối ăm ‘nâi, hneăng tơ’noăng hiăng po tơniăn [ă tơdrăng le\m: Klêi kơ’nâi séa ngăn hneăng tơ’noăng ga tơniăn le\m, ôh ti ai hok tro [ă khu ki ngăn tơ’noăng pro xôi. Hnoăng cheăng tơru\m pơla mâu kơpong tơ’noăng [ă kăn [o# dêi Hngêi trung Tây Nguyên [ă mâu hngêi trung thôh tho\ng, trung kâp, kao đăng a kơpong kố hiăng pêi cheăng tơru\m krá khât, [ă hiâm mơno ki kơhnâ khât.

Hdrối nah, athế tơ’noăng 2 hdrôh cho mơgêi râ má 3 [ă tơ’noăng mot đăi hok, nôkố kơnôm ai tơdroăng hơ’lêh nếo dêi Khu kăn xiâm pơkuâ ngăn ‘na hnê hriâm, hnê cheăng pêi, sap hơnăm kố troh la ngiâ, mâu hok tro kô athế tơ’noăng mơgêi râ má 3 phôh tho\ng râ tơnêi têa. Ki hơ’lêh nếo kố hiăng kum tâi tâng pơlê pơla châ kơd^ng ‘na liăn ngân, ivá [ă hâi khế. ‘Na tơdroăng ki tơku\m po hneăng tơ’noăng, mê hneăng tơ’noăng râ má 3 phôh tho\ng lâp tơnêi têa ki apoăng a kơpong Tây Nguyên xuân châ mơnhên tối cho le\m păng ‘nâng. Hneăng tơ’noăng po tơdrăng le\m, pro tơniăn tâi tâng mâu ngế ki hmâ tô tuăn ‘na mâu tơdroăng ki ôh ti tơdrăng tung roh tơ’noăng [ă tơbriât ai hnoăng tung hnê hriâm, ki hmâ trâm tung mâu hơnăm hdrối mê hía nah.

Nhat Lisa tơplôu