VOV4.Sêdang - Ƀă tơdroăng ki rơhêng vâ veăng kum mâu tơdroăng ki xơpá, tơdrêng amê hnối tơdjâ tơdroăng ki hơniâp ro ăm vâi o kŭn kơpong hngế hngo a cheăm Đak Pne, On tơhrik Kon Rẫy, Kŏng ti On tơhrik Kon Tum tơkŭm lăm pôu ƀă hbru tơmeăm ăm mâu vâi muăn a mâu pơlê ki xơpá má môi, hngế má môi drêng Hâi vâi hdrêng lâp plâi tơnêi lơ 1/6. Cheăm Đak Pne cho cheăm kơtiê, kơpong hngế hngo ki malối xơpá ối tung tơring Kon Rẫy, kong pơlê Kon Tum ƀă lối 75% rơpŏng kuăn pơlê cho hdroâng kuăn Bơhnéa, tơdroăng rêh ối dêi kuăn pơlê akố ối trâm hên xơpá.

Kăn ƀô̆, mâu ngế cheăng ‘na On tơhrik Kon Rẫy hiăng mơhnhôk ƀă diâp 25 hnoăng tơmeăm ăm mâu vâi muăn hdrêng; hbru tơmeăm mơhnhôk ăm 5 ngế o hok tro ki ai tơdroăng rêh ối xơpá hriâm rơkê a pơlê Đak Nghen; hbruô tơmeăm rơtế ƀă kơxô̆ liăn ai 300 rơpâu vâ kum o A Nguy a pơlê Đak Po, thôn 2, cheăm Đak Pne tro chó chêng tơvê kŏng sap ing tơxĭn nah.

Katarina Nga tơplôu ƀă tơbleăng