VOV4.Sêdang - A hneăng hôp pêi pro Pơkâ dêi Ngế pro xiâm hnê ngăn Chin phuh kĭ “Tơdroăng tơkêa bro thăm mơdêk ivá pêi cheăng kơ koan pơkuâ kơvâ pơlât mơnăn mâu râ hneăng hơnăm 2021 – 2030”, dó inâi  Tơdroăng tơkêa bro kơvâ pơlât mơnăn tơkŭm po a kơxo lơ 15/4 a Hà Nội, mâu kăn môi tuăn mơnhên, kal rĕng pêi pro tŭm têk ƀă thăm mơdêk ivá pêi cheăng pơlât mơnăn mâu râ vâ mơdêk ki rơkê hbrâ mơdât pơreăng châ tơƀrê a mơnăn păn.

A hneăng hôp, mâu kăn môi tuăn tơdroăng pơtối thăm mơdêk ivá pêi cheăng pơlât mơnăn mâu râ vâ pêi kêi đeăng tơtro mâu hnoăng cheăng ƀă pơkâ rế hía rế kơtăng ƀă mâu pơloăng mơnúa, pro pá tung tê mơdró ƀă lâp plâi tơnêi rế kân, ki rơhêng vâ tối cho pá ‘na mơdât mâu pơreăng ki tro rơ-iô, pơreăng xông tâ tú ing mơnăn troh mơngế. Pơtối mê, kô thăm mơdêk ivá pơkuâ, mơdât pơreăng, pơreăng xông tâ tú pơla mơnăn păn ƀă kuăn mơngế.

            A Sa Ly tơplôu ƀă tơbleăng