VOV4.Sêdang - Nôkố, kong tô ó ƀă khăng khoăng a hên tíu, malối a kơpong Tơdế tơnêi têa, kô pro tơ’lêi on chếo kong a hên kong pơlê, hên kong, poh xá ngăn kô tơ’lêi on chếo a râ má 4, râ má 5 (râ ki rơ-iô ‘nâng). Vâ hbrâ mơdât on chếo, tơbâ on chếo kong, pôa Lê Minh Hoan, Ngế pơkuâ ối tung Khu xiâm ngăn pêi chiâk ƀă mơnhông thôn pơlê tơnêi têa hiăng pơtroh Hlá mơ-eá kơxô̆ pơtrroh ăm mâu kăn dêi mâu kong pơlê thế hnê mơhno tơbleăng mâu tơdroăng pêi pro tơdrêng ‘na mơdêk hbrâ mơdât, tơpâ on chếo kong.

Mê cho hnê mơhno dêi Vi ƀan hnê ngăn rêm râ ƀă mâu kơ koan khu râ pơkuâ cheăng pêi tro tiô hnoăng cheăng pơcháu rak ngăn ‘na hbrâ mơdât, tơpâ on chếo kong, mơdêk tơdroăng lăm ngăn, tí tăng ngăn vâ ‘nâi ‘na on chếo kong, tơpâ on chếo kong ngăn mê cho hnoăng cheăng pêi ki xiâm. Séa ngăn mâu ngế, rơxế, tơmeăm khoăng, liăn ngân,  vâ pêi tro tiô pơkâ “pŭn tơdroăng amê’’, xing xoăng mơngế gak ngăn plâ hâi măng tung pơla rơnó mơdrăng; vâ teăng châ ‘nâi tíu on chếo, mơhnhôk mơngế veăng tơpâ tâng ai on chếo kong tung pơla rĕng má môi, pôi tá ăm ai on chếo kân.

Gương tơplôu ƀă tơbleăng