Tiô xêo ngăn, lâp tơnêi têa ai 49 rơpâu 600 khu tê mơdró mơ’no tung pêi chiâk deăng, châ dâng 8% tâi tâng khu tê mơdró lâp tơnêi têa. Mâu khu tê mơdró mơ’no liăn tung pêi chiâk deăng hiăng mơjiâng lối 4,5 rơtuh cheăng pêi, châ 32,5% kơxo# mơngế pêi cheăng dêi lâp khu tê mơdró.

Mâu kăn xông tơpui a hneăng hôp pơrá tối nhên, vâ mơhnhôk khu tê mơdró mơ’no liăn tung pêi chiâk deăng mê kal ngăn khu tê mơdró ki xiâm, kuăn pơlê cho xiâm kối [a\ thăm xúa kơmăi kơmok tung kơvâ cheăng kố. Rơtế amê cho ai troăng hơlâ mơhnhôk mơ’no liăn cheăng tung kơvâ pêi chiâk deăng, pro tơ’lêi hlâu vâ mâu khu tê mơdró châ mung liăn; mơjiâng mâu troăng pêi tơru\m pêi chiâk deăng troh tê tơmeăm; thăm mơnhông cheăng vâ tơru\m tung mơjiâng pro [a\ tê kế tơmeăm khoăng; pêi kêi đeăng hngêi trăng, troăng klông kum tung mơnhông mơdêk pêi chiâk deăng; tơbleăng tối dêi pó tíu tê mơdró; tăng tơnêi pêi tơtro vâ tơniăn bê [a\ng chiâk deăng ki kân vâ pêi pêt tơmeăm khoăng.

Vâ mơjiâng inâi, mâu khu tê mơdró xuân tối, troăng hơlâ mâu khu tê mơdró xuân thế hơ’lêh túa tơmiât, pak^ng tơniăn dâi le\m dêi kế tơmeăm. Jâ Nguyễn Thị Thành Thực, Kăn hnê ngăn xuân cho Kăn pơkuâ Ko\ng ti Bagico, pơkâ thế:

‘’Việt Nam hiăng lôu péa tơdah hên khu mơ’no liăn cheăng, mơjiâng mâu kơpong mơ’no liăn cheăng ăm khu mơ’no liăn cheăng dêi kong têa ê, mơ’no liăn kế ki vâi mơnhông mơdêk ‘na on tơhrik, cheăng kơmăi kơmok, tiah mê, pêi chiâk pêi deăng pin cho môi troăng ki tơtêk, tiah lâi pin ôh tá pêi.

Pin ai môi kơpong teăng mâ ăm Việt Nam vâ ngin drêng troh amê tê mơdró ngăn mê cho hngêi dêi tơná, ngin châ kring vế, ngin châ tơniăn. Á pâ tối tâng ngin vâ mơ’no liăn tê mơdró dêi Alibaba mê thế kok châ rơtal liăn [a\ ai hngêi, hnôu, hneăm tơniăn, mê ôh tá xê to khu tê mơdró ku\n ki lâi xuân chiâng pêi tơdroăng mê’’.

Pôa Nguyễn Thiện Nhân, Kăn pơkuâ hnê ngăn cheăng Đảng pơlê kong kân Hồ Chí Minh tối, tung pơla nôkố, thế hơ’lêh nếo tung pêi chiâk deăng mơjiâng pro kế tơmeăm khoăng dêi Việt Nam, hơ’lêh tung rơpo\ng khu môi ngế chiâng khu tơru\m cheăng [a\ khu tê mơdró, tơru\m pơla khu tơru\m cheăng [a\ khu tê mơdró:

‘’Ngin pâ thế Chin phuh [a\ khu kăn pơkuâ pơlê kong kơdrâm xêo ngăn tơdroăng to\ng kum khu tê mơdró, mơhno nhên rêm hơnăm, a rêm kong pơlê. Tơnêi têa kum ăm to lâi khu tơru\m cheăng, to lâi khu tê mơdró vâ po rơdâ tung pêi chiâk deăng tiô troăng kơmăi kơmok châ tơ-[rê.

Tối troăng hơlâ ki nhên, rêm kong pơlê pin kum khu tơru\m cheăng inâi ki klâi, khu tê mơdró ki klâi. {a\ thế tơbleăng pái túa, pêi lo liăn dêi kuăn pơlê cho to lâi; kuăn pơlê xuân pêi chiâk deăng, khu tơru\m cheăng cho to lâi; tơnêi pêi chiâk deăng châ kuăn pơlê tơru\m cheăng [a\ khu tê mơdró pêt loăng plâi cho to lâi’’.

Mơgêi a hneăng hôp, tối nhên tơdroăng pêi chiâk deăng Việt Nam tá hâi mơnhông tơtêk tơxâng [a\ kế tơmeăm ki ai, Ngế pro xiâm hnê ngăn tơnêi têa pin tối ăm ‘nâi, khế 4 kố nah, Chin phuh hiăng tơbleăng pơkâ kơxo# 57 ‘na troăng hơlâ, túa mơhnhôk khu tê mơdró mơ’no liăn tung pêi chiâk deăng, thôn pơlê teăng ăm tơdroăng Pơkâ kơxo# 210 sap hơnăm 2013.

Mơnhên mâu tơdroăng châ tơ-[rê tơkâ hluâ tiô pơkâ dêi kơvâ pêi chiâk deăng Việt Nam tung pơla kố nah, Ngế pro xiâm hnê ngăn tơnêi têa mơnhên tối hnoăng ki kal dêi khu tê mơdró, Khu tơru\m cheăng, cheăng kâ rơpo\ng tung mơnhông mơdêk pêi chiâk deăng.

Laga, Ngế pro xiâm hnê ngăn tơnêi têa xuân tối nhên mâu tơdroăng ki kal tung kơvâ pêi chiâk deăng nôkố, mê cho kơmăi kơmok uâ mơdiê ki dâi le\m khât tá hâi ai, xuân ối uâ mơdiê kho khoh; tơdroăng tê xúa ki lía nilon vâ tâ kế tơmeăm ối hlo ai hên.

Ing mâu tơdroăng tung pêi chiâk deăng, Ngế pro xiâm hnê ngăn tơnêi têa tối troăng prôk la ngiâ, pơkâ tung mơnhông pêi chiâk deăng Việt Nam tung rơxông pêi cheăng [a\ kơmăi kơmok 4.0:

‘’Pêi chiâk deăng Việt Nam ối hên kế tơmeăm vâ mơnhông tơtêk [a\ cho roh vâ pêi, ki má lối tung rơxông pêi cheăng kơmăi kơmok 4.0. Chin phuh [a\ mâu khu tê mơdró thế rơtế dêi pó tơdjuôm ivá vâ kum Việt Nam mơ-eăm mơnhông ối má môi lâp plâi tơnêi ‘na kế tơmeăm khoăng pêi lo ing chiâk deăng.

A hneăng hôp kố, a pơkâ kơvâ pêi chiâk deăng, tung 10 hơnăm la ngiâ, pêi chiâk deăng Việt Nam ối má 15 tung mâu kong têa mơnhông mơdêk lâp plâi tơnêi, tung mê, kơvâ uâ mơdiê kế tơmeăm khoăng pêi lo ing chiâk deăng ối má 10 tung lâp plâi tơnêi.

Pêi chiâk deăng Việt Nam cho môi tíu xiâm uâ mơdiê dâi le\m khât tung pêi chiâk deăng lâp plâi tơnêi, cho môi tíu xiâm logistic dêi tê mơdró kế tơmeăm khoăng pêi lo ing chiâk deăng tung lâp plâi tơnêi. Pin ai hnoăng pói vâ mâu tơdroăng tiah kố [a\ kô ai ivá chiâng pêi tơdroăng mê’’.

Vâ pêi pro tung la ngiâ [a\ pơkâ kố, Ngế pro xiâm hnê ngăn tơnêi têa tối nhên tơdroăng ki xiâm xuân cho vâ mơnhông mơdêk dêi mâu khu tê mơdró mơ’no liăn tung kơvâ pêi chiâk deăng. Chin phuh hiăng tơbleăng pơkâ 57 [a\ pơkâ mâu khu râ, mâu kơvâ cheăng pêi pro tơtro pơkâ. Vâ pro tơ’lêi hlâu ăm khu tê mơdró mơ’no liăn tung pêi chiâk deăng, rơtế [a\ thăm hơ’lêh tíu mơ’no liăn tê mơdró, Ngế pro xiâm hnê ngăn tơnêi têa pơkâ séa ngăn kơdroh 50% pro mơ-éa tung kơvâ pêi chiâk deăng, thôn pơlê.

Mâu khu xiâm, kơvâ cheăng kal hriăn ple\ng, pơkâ túa kêi đeăng troăng pêi cheăng tung hnoăng xúa tơnêi. Thâ hriăn ple\ng troăng pêi tơku\m môi tíu, hriăn ple\ng tơbleăng Chin phuh [a\ Kuo#k ho#i ‘mâi rơnêu luât tơnêi tơníu tiô troăng pro tơ’lêi hlâu ăm khu tê mơdró châ ai tơnêi, tung mê ai tơdroăng xúa châ tơ-[rê tơnêi pêi kong ki tơnêi têa tê mơdró.

A hneăng hôp, Ngế pro xiâm hnê ngăn tơnêi têa kơbông krếo thế mâu khu tê mơdró, mâu ngế tê mơdró Việt Nam pơtối mơnhông ó rơdêi hiâm mơno tăng cheăng pêi, hiâm mơno tê mơdró, mơjiâng khôi túa le\m tê mơdró, mơnhông mơdêk khu tê mơdró krá tơniăn, rak krúa le\m kong prâi; mơhno tơdroăng ki hâk vâ dêi hdroâng mơngế, ru\m môi tuăn, mơjiâng mơnhông mơdêk mâu túa tê mơdró Việt Nam. Tâi tâng rơtế mơ-eăm, tơdjuôm ivá, môi tuăn, rơtế Chin phuh [a\ kuăn pơlê pro kế tơmeăm khoăng pêi lo ing chiâk deăng Việt Nam troh lâp plâi tơnêi./.

Văn Dũng chêh

A Sa Ly tơplôu [a\ tơbleăng