VOV4.Sêdang - Kŏng ti Logistics kong têa Lếo nếo môi tuăn pơcháu hnoăng xúa 20% kơxô̆ liăn dêi Chin phuh Lếo tung tơdroăng tơkêa bro Kơno tuk Vũng Áng ăm Kŏng ti mơjiâng pro kơno tuk Vũng Áng Lếo – Việt Nam dó inâi VDS, xuân ối tung tơdroăng pơkuâ dêi Chin phuh Lếo.  Tơdroăng pơcháu ăm hnoăng pơkuâ 20% ăm Kŏng ti mơjiâng kơno tuk Vũng Áng Lếo – Việt Nam kô pro tơ’lêi hlâu pêi pro rĕng  tơdroăng rơnêu pro kơno tuk Vũng Áng tung hneăng 1 (2021 - 2023), po rơdâ kơno tuk têa kơxĭ Vũng Áng 1,2 ƀă 3 tiô môi tuăn hiăng kĭ pơla Chin phuh péa tơnêi têa Lếo – Việt Nam, thăm ai ivá pơto tơmeăm khoăng a kơno tuk Vũng Áng ƀă pơto châ sap ing 3 rơtuh tâ̆n tâk 20 rơtuh tâ̆n a hơnăm 2030.

Kơno tuk Vũng Áng ai hnoăng ki kal ƀă troăng hơlâ dêi Chin phuh Lếo, tung tơdroăng châ tơ’lêi hlâu vâ pơto tơmeăm khoăng drô troăng têa kơxĭ ƀă thăm tơrŭm kơpong, thăm tơrŭm cheăng pơla péa pâ, tơrŭm ki phá tơ-ê pơla Lếo ƀă Việt Nam.

A Sa Ly tơplôu ƀă tơbleăng